Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightബില്ലടയ്ക്കാത്തതി​െൻറ...

ബില്ലടയ്ക്കാത്തതി​െൻറ പേരിൽ മൃതദേഹം തടഞ്ഞു​െവച്ചാൽ ആശുപത്രിക്കെതിരെ നടപടി

text_fields
bookmark_border
DeadBody Representative Image
cancel

തിരുവനന്തപുരം: കോവിഡ് ചികിത്സയിലിരിക്കെ മരിച്ചാൽ ആശുപത്രി ബില്ല് പൂർണമായി അടയ്ക്കുംവരെ മൃതദേഹം വിട്ടുകൊടുക്കാതിരിക്കുന്ന സ്വകാര്യ ആശുപത്രികൾക്കെതിരെ കർശന നിയമനടപടി സ്വീകരിക്കുമെന്ന്​ കലക്ടർ ഡോ. നവ്ജ്യോത് ഖോസ. ഈ പ്രവണത ജില്ലയിൽ നിരോധിച്ചതായും ഇക്കാര്യം വ്യക്തമാക്കി ദുരന്ത നിവാരണ നിയമത്തിലെ 26, 30, 34 വകുപ്പുകൾ പ്രകാരം ഉത്തരവ്​ പുറപ്പെടുവിച്ചതായും കലക്ടർ അറിയിച്ചു.

ജില്ലയിലെ ഒരു സ്വകാര്യ ആശുപത്രിയിലുണ്ടായ ഇത്തരം സംഭവത്തിൽ ജില്ല മെഡിക്കൽ ഓഫിസർ കലക്ടർക്ക്​ റിപ്പോർട്ട് നൽകിയതി​െൻറ അടിസ്ഥാനത്തിലാണ്​ നടപടി. ഇത്തരം പ്രവൃത്തികൾ മനുഷ്യത്വരഹിതമായ അനീതിയാണെന്ന്​ കലക്ടർ പറഞ്ഞു. സ്വകാര്യ ആശുപത്രികൾ ചുമത്തുന്ന ഭീമമായ ബിൽ തുക പലപ്പോഴും രോഗികളുടെ ബന്ധുക്കൾക്ക്​ താങ്ങാവുന്നതിലുമേറെയാണ്. രോഗിയുടെ ഗുരുതരാവസ്ഥയെക്കുറിച്ചും ചികിത്സ ചെലവുകളെക്കുറിച്ചും ബന്ധുക്കളെ കൃത്യമായി ബോധ്യപ്പെടുത്തേണ്ടത് ആശുപത്രി അധികൃതരുടെ ഉത്തരവാദിത്തമാണെന്നും കലക്ടർ വ്യക്തമാക്കി. കോവിഡ് ചികിത്സക്ക്​ ചെലവായ നാലരലക്ഷത്തോളം രൂപ പൂർണമായി അടയ്ക്കാത്തതി​െൻറ പേരിൽ മൃതദേഹം തടഞ്ഞു​െവച്ച കാട്ടാക്കട നെയ്യാർ മെഡിസിറ്റി ആശുപത്രിക്ക്​ കലക്​ടർ കാരണം കാണിക്കൽ നോട്ടീസ് നൽകി.

കോവിഡ് ചികിത്സക്കിടെ മരിച്ച 46 കാര​െൻറ മൃതദേഹം വിട്ടുകൊടുക്കണമെങ്കിൽ ബന്ധുക്കൾ 4,44,808 രൂപയുടെ ബില്ല് പൂർണമായി അടയ്ക്കണമെന്നായിരുന്നു ആശുപത്രി അധികൃതരുടെ ആവശ്യം. ബന്ധപ്പെട്ട അധികൃതർ വിഷയത്തിൽ ഇടപെടൽ നടത്തിയിട്ടും ആശുപത്രിയുടെ ഉത്തരവാദപ്പെട്ടവർ വിട്ടുവീഴ്ചക്ക്​ തയാറായില്ല. മരിച്ചയാളുടെ ചികിത്സ ചെലവുകൾ സംബന്ധിച്ചോ ആരോഗ്യസ്ഥിതിയെക്കുറിച്ചോ ബന്ധുക്കൾക്ക് അധികൃതർ കൃത്യമായ ധാരണ നൽകിയിരുന്നില്ലെന്നും ആരോപണമുയർന്നിരുന്നു.

ഇതേത്തുടർന്നാണ്​ കലക്ടർ ആശുപത്രി മാനേജ്മെൻറിന്​ കാരണം കാണിക്കൽ നോട്ടീസ് നൽകിയത്. രണ്ടുദിവസത്തിനകം തൃപ്തികരമായ മറുപടി നൽകിയില്ലെങ്കിൽ ദുരന്ത നിവാരണ നിയമപ്രകാരം നടപടിയുണ്ടാകുമെന്നും നോട്ടീസിൽ പറയുന്നു.

Show Full Article
TAGS:dead body hospitals 
News Summary - Action against the hospital if the body is withheld for non-payment of bills
Next Story