പെട്രോള് പമ്പ് ആക്രമിച്ച കേസിലെ പ്രതി റിമാന്ഡിൽ
text_fieldsരാഹുല്
മെഡിക്കല് കോളജ്: പെട്രോള് പമ്പ് ആക്രമിച്ച കേസിലെ ഒന്നാം പ്രതിയെ മെഡിക്കല് കോളജ് പൊലീസ് അറസ്റ്റ് ചെയ്തു. ചെറുവയ്ക്കല് വില്ലേജില് മെഡിക്കല് കോളജ് വാര്ഡില് ഉള്ളൂര് ഇളങ്കാവ് വിളയില് വീട്ടില് രാഹുലിനെയാണ് (31) പൊലീസ് അറസ്റ്റ് ചെയ്തത്. ഞായറാഴ്ച രാത്രി 7.30 ഓടുകൂടി ഉള്ളൂരിലുള്ള സിവില് സപ്ലൈസ് പെട്രോള് പമ്പില് പെട്രോള് അടിക്കാനെത്തിയ രാഹുല് ബൈക്ക് ഇരപ്പിച്ചത് പമ്പ് ജീവനക്കാര് ചോദ്യം ചെയ്തു.
ഇതില് കുപിതനായ രാഹുല് പെട്രോള് അടിക്കാതെ മടങ്ങിപ്പോകുകയും അല്പസമയത്തനിനുള്ളില് ഇയാളുടെ സുഹൃത്തുക്കളായ മറ്റ് നാലുപേരുമായി എത്തി പമ്പു ജീവനക്കാരെ അസഭ്യം വിളിക്കുകയും ദേഹോപദ്രവം ഏൽപിക്കുകയുമായിരുന്നു.
തുടര്ന്ന് അക്രമി സംഘം ഓഫിസ് മുറിയിലെ ഗ്ലാസ് ഡോര് തല്ലിത്തകര്ത്തതില് സ്ഥാപനത്തിലെ സൂപ്പര്വൈസര് രാജേഷിനും പ്രതിയായ രാഹുലിനും പരിക്കേല്ക്കുകയുമായിരുന്നു. സംഘം ചേര്ന്നുള്ള ആക്രമണത്തില് സ്ഥാപനത്തിന് 75,000 രൂപയുടെ നഷ്ടം സംഭവിച്ചതായി പൊലീസ് പറഞ്ഞു. മറ്റ് പ്രതികള്ക്കായുള്ള അന്വേഷണം ഊര്ജിതമാക്കിയതായി പൊലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

