കൈവിലങ്ങുമായി പ്രതി രക്ഷപ്പെട്ട സംഭവം: സഹായികളും അറസ്റ്റിൽ

തി​രു​വ​ന​ന്ത​പു​രം: വൈ​ദ്യ​പ​രി​ശോ​ധ​ന​ക്കാ​യി ജ​ന​റ​ൽ ആ​ശു​പ​ത്രി​യി​ലെ​ത്തി​ച്ച​പ്പോ​ൾ പൊ​ലീ​സി​നെ ആ​ക്ര​മി​ച്ച് വി​ല​ങ്ങു​മാ​യി ര​ക്ഷ​പ്പെ​ട്ട പ്ര​തി​യെ ഒ​ളി​വി​ൽ ക​ഴി​യാ​ൻ സ​ഹാ​യി​ച്ച​തി​ന് ര​ണ്ടു​പേ​ർ അ​റ​സ്റ്റി​ൽ.

കൊ​യി​ത്തൂ​ർ​കോ​ണം ക​ബ​റ​ഡി ന​ഗ​ർ മ​ൺ​സി​ൽ റ​മീ​സ് (22), കൊ​യി​ത്തൂ​ർ​കോ​ണം ക​ബ​റ​ഡി ന​ഗ​ർ എ.​ജെ ഹൗ​സി​ൽ അ​ജ്മ​ൽ (22) എ​ന്നി​വ​രെ​യാ​ണ് ക​ന്‍റോ​ൺ​മെ​ന്‍റ് പൊ​ലീ​സ് അ​റ​സ്റ്റ് ചെ​യ്ത​ത്. ക​ഴി​ഞ്ഞ വ്യാ​ഴാ​ഴ്ച​യാ​ണ് പോ​ത്ത​ൻ​കോ​ട് സ്വ​ദേ​ശി സെ​യ്ദ് മു​ഹ​മ്മ​ദി​നെ എം.​ഡി.​എം.​എ​യു​മാ​യി പൊ​ലീ​സ് പി​ടി​കൂ​ടി​യ​ത്. തു​ട​ർ​ന്ന് ദേ​ഹ​പ​രി​ശോ​ധ​ന ന​ട​ത്താ​ൻ ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ച​പ്പോ​ഴാ​ണ് മ്യൂ​സി​യം എ​സ്.​ഐ ര​ജീ​ഷി​നെ ആ​ക്ര​മി​ച്ച​ശേ​ഷം കൈ​വി​ല​ങ്ങോ​ടെ റോ​ഡി​ലൂ​ടെ ര​ക്ഷ​പ്പെ​ട്ട​ത്.

പാ​റ്റൂ​ർ ഭാ​ഗ​ത്തേ​ക്ക് ഓ​ടി​പ്പോ​യ സെ​യ്ദ് ഓ​ട്ടോ​യി​ൽ മെ​ഡി​ക്ക​ൽ കോ​ള​ജി​ലേ​ക്കു പോ​യി. അ​വി​ടെ ഇ​റ​ങ്ങി മ​റ്റൊ​രു ഓ​ട്ടോ​യി​ൽ ക​യ​റി ക​ഴ​ക്കൂ​ട്ട​ത്തേ​ക്കു ക​ട​ന്നു. കൈ​യി​ലു​ണ്ടാ​യി​രു​ന്ന ഷ​ർ​ട്ടു​കൊ​ണ്ട് വി​ല​ങ്ങ് മ​റ​ച്ചി​രു​ന്നു. കൈ​ക്ക്​ പ​രി​ക്കേ​റ്റ​താ​ണെ​ന്നാ​ണ് ഓ​ട്ടോ​ഡ്രൈ​വ​ർ​മാ​രോ​ട് പ​റ​ഞ്ഞ​ത്. തു​ട​ർ​ന്ന് സു​ഹൃ​ത്തു​ക്ക​ളാ​യ അ​ജ്മ​ലി​ന്‍റെ​യും റ​മീ​സി​ന്‍റെ​യും സ​ഹാ​യ​ത്തോ​ടെ മം​ഗ​ല​പു​രം കാ​ര​മൂ​ട്ടി​ലെ ക​ളി​മ​ൺ​ഖ​ന​ന​പ്ര​ദേ​ശ​ത്തെ ഒ​ഴി​ഞ്ഞ കു​ന്നി​ൻ​മു​ക​ളി​ൽ ഇ​യാ​ൾ ഒ​ളി​വി​ൽ ക​ഴി​യു​ക​യാ​യി​രു​ന്നു. ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ തി​ങ്ക​ളാ​ഴ്ച​യാ​ണ് ഇ​യാ​ൾ അ​റ​സ്റ്റി​ലാ​കു​ന്ന​ത്.