800 പേര്‍ക്കുകൂടി കോവിഡ്; 512 പേര്‍ക്ക്​ രോഗമുക്തി

തിരുവനന്തപുരം: ജില്ലയിൽ വ്യാഴാഴ്​ച 800 പേര്‍ക്കുകൂടി കോവിഡ് സ്ഥിരീകരിച്ചു. 512 പേര്‍ രോഗമുക്തരായി. 5280 പേരാണ് ചികിത്സയിലുള്ളത്. വ്യാഴാഴ്​ച സ്ഥിരീകരിച്ചവരില്‍ 587 പേര്‍ക്ക്​ സമ്പര്‍ക്കത്തിലൂടെയാണ്​ രോഗബാധ. ഒരാള്‍ ആരോഗ്യ പ്രവര്‍ത്തകനാണ്. രോഗലക്ഷണങ്ങളെത്തുടര്‍ന്ന്​ ജില്ലയില്‍ 1940 പേരെക്കൂടി നിരീക്ഷണത്തിലാക്കി. ഇവരടക്കം 21,663 പേര്‍ ക്വാറൻറീനില്‍ കഴിയുന്നുണ്ട്. 1940 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.