വർക്ക്ഷോപ്പ് ഉടമയെ കൊലപ്പെടുത്താൻ ശ്രമിച്ച നാലംഗസംഘം പിടിയിൽ

തിരുവനന്തപുരം: വെങ്ങാനൂർ ചാവടിനടയിലെ വർക്ക്ഷോപ്പ് ഉടമയെ വെട്ടിക്കൊലപ്പെടുത്താൻ ശ്രമിച്ച കേസിൽ നാലുപേർ പിടിയിൽ.

അതിയന്നൂർ പെരിയണംകോട് പ്ലാവിള ബിജു ഭവനിൽ വിനീത് (29), പെരിയണംകോട് പ്ലാവിള വീട്ടിൽ കുമാർ (36), പെരിയണംകോട് പ്ലാവിള ഗീത ഭവനിൽ ദീപു (28), പെരിയണംകോട് ബിജു ഭവനിൽ ബിജു (28) എന്നിവരെയാണ് വിഴിഞ്ഞം പൊലീസ് അറസ്​റ്റ്​ ചെയ്തത്.

ഫോർട്ട് അസി.കമ്മീഷണർക്ക് ലഭിച്ച രഹസ്യവിവരത്തി​െൻറ അടിസ്ഥാനത്തിൽ വിഴിഞ്ഞം എസ്.എച്ച്.ഒ ജി.രമേശ്, എസ്.ഐമാരായ ബാലകൃഷ്ണൻ ആചാരി, ജയകുമാർ, സി.പി.ഒ ഗോപു, കൃഷ്ണകുമാർ എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്. പ്രതികളെ റിമാൻഡ് ചെയ്തു.