ഫയൽ അദാലത്ത്​ 27ന്​

തിരുവനന്തപുരം: കോർപറേഷനിലെ തീർപ്പാകാത്ത ഫയലുകളിലേക്കുള്ള അദാലത്ത് 27ന് രാവിലെ 10 മുതൽ നഗരസഭ മെയിൻ ഓഫിസിലും, 11 സോണൽ ഓഫിസുകളിലുമായി നടക്കും. മന്ത്രി എൻ.വി. ഗോവിന്ദൻ ഉച്ചയ്ക്ക് 12ന്​ ഉദ്​ഘാടനം ചെയ്യും. ഹെൽത്ത്, റവന്യൂ, എൻജിനീയറിങ്​ ഉൾപ്പെടെയുള്ള വിഭാഗങ്ങളിലെ അപേക്ഷകൾ അദാലത്തിൽ പരിഗണിക്കും. അദാലത്തുമായി ബന്ധപ്പെട്ട്​ നഗരസഭയിൽ തീർപ്പാകാതെയുള്ള ഫയലുകൾ പരിഗണിക്കുന്നതിനുള്ള അപേക്ഷകൾ ഏപ്രിൽ 23 വരെ നഗരസഭ മെയിൻ ഓഫിസിലും വിവിധ സോണൽ ഓഫിസുകളിലും സ്വീകരിക്കും. നിശ്ചിതമാതൃകയിലുളള അപേക്ഷയോ, വെള്ള പേപ്പറിൽ എഴുതിയ അപേക്ഷയോ, ഫയൽ നമ്പർ/വിഷയം, ബന്ധപ്പെട്ട സെക്ഷൻ, കൈപ്പറ്റ്​ രസീത് നമ്പർ (അറിയാവുന്നവ), അനുബന്ധരേഖകൾ എന്നിവ സഹിതമാണ് അപേക്ഷ സമർപ്പിക്കേണ്ടത്. പുസ്തക പ്രകാശനം തിരുവനന്തപുരം: മാധ്യമപ്രവർത്തകരുടെ ഓർമകൾ പങ്കുവെക്കുന്ന 'വാർത്തകൾ തുടരുന്ന' പുസ്തകത്തി‍ൻെറ പ്രകാശനം സ്പീക്കർ എം.ബി. രാജേഷ് പ്രകാശനം ചെയ്തു. മുതിർന്ന മാധ്യമ പ്രവർത്തകൻ എം.ജി. രാധാകൃഷ്ണൻ ആദ്യ കോപ്പി ഏറ്റുവാങ്ങി. ധന്യ ഇന്ദു എഡിറ്റ് ചെയ്ത പുസ്തകം ഹരിതം ബുക്സാണ് പുറത്തിറക്കിയത്.