കലക്ടർ ഇടപെട്ടു; 15 കുടുംബങ്ങൾക്ക് വെള്ളമെത്തി

കൊട്ടിയം: ജില്ല കലക്ടറുടെ ഇടപെടൽ മൂലം 15 കുടുംബങ്ങൾക്ക് കുടിവെള്ള കണക്​ഷൻ ലഭിച്ചു. ദേശീയ പാതയിൽ മേവറം ജങ്ഷനടുത്തുള്ള 15 കുടുംബങ്ങൾക്കാണ് കുടിവെള്ള കണക്​ഷൻ ലഭിച്ചത്. രൂക്ഷമായ കുടിവെള്ള ക്ഷാമമുള്ള പ്രദേശമാണിത്. കുടിവെള്ള പ്രശ്നം ഉപഭോക്തൃ കോടതിവരെ എത്തിയെങ്കിലും പരിഹാരമുണ്ടായിരുനില്ല. അടുത്തിടെ ഇവിടേക്ക് അനുവദിച്ച കുടിവെള്ള കണക്​ഷൻ വഴി മാറ്റി നൽകിയതോടെയാണ് പ്രദേശവാസികൾ കലക്ടറെ കണ്ട് നിവേദനം നൽകാൻ തീരുമാനിച്ചത്. പ്രദേശവാസിയും വാടാനപ്പള്ളി ഇസ്​ലാമിയ കോളജിലെ മുൻ അധ്യാപകനുമായ താജുദ്ദീൻ നദ്​വി കലക്ടറെ നേരിൽ കണ്ട് നിവേദനം നൽകുകയായിരുന്നു. വിഷയത്തിൽ ഇടപെട്ട കലക്ടർ വാട്ടർ അതോറിറ്റി എക്സിക്യൂട്ടിവ് എൻജിനീയറുമായി ബന്ധപ്പെടുകയും ജപ്പാൻ കുടിവെള്ള പദ്ധതിയിൽനിന്ന് 15 കുടുംബങ്ങൾക്കും വാട്ടർ കണക്​ഷൻ ലഭിക്കുകയും ചെയ്തു. ഇ​േതാടെ വർഷങ്ങളായി കുടിവെള്ളക്ഷാമം നിലനിന്നിരുന്ന ഒരു പ്രദേശത്തെ ജലക്ഷാമത്തിന് പരിഹാരമാകുകയായിരുന്നു. കരുണാകരൻ അനുസ്മരണം കൊല്ലം: കെ. കരുണാകരൻ ജന്മദിനത്തോടനുബന്ധിച്ച് കെ.പി.സി.സി വിചാർ വിഭാഗ് ജില്ല കമ്മിറ്റി സംഘടിപ്പിച്ച ലീഡർ അനുസ്​മരണം കെ.പി.സി.സി വൈസ്​ പ്രസിഡൻറ് ഡോ. ശൂരനാട് രാജശേഖരൻ ഉദ്ഘാടനം ചെയ്തു. ജില്ല ചെയർമാൻ ജി.ആർ. കൃഷ്ണകുമാർ അധ്യക്ഷത വഹിച്ചു. ഡി.സി.സി വൈസ്​ പ്രസിഡൻറ് എസ്​. വിപിനചന്ദ്രൻ, വിചാർ വിഭാഗ് ഭാരവാഹികളായ പ്രഫ. സാം പനകുന്നേൽ, ജോൺസൺ വൈദ്യൻ, ശശി ഉദയഭാനു, ആർ.സുമിത്ര, ബി.രാമാനുജൻപിള്ള, വെളിയം ജയചന്ദ്രൻ, പ്രഫ. പെട്രീഷ ജോൺ, സാജു നല്ലേപറമ്പിൽ, സി.പി. ബാബു, പി. പ്രഭാകരൻ, ആർ.രാമചന്ദ്രൻപിള്ള, ആസാദ് അഷ്​ടമുടി തുടങ്ങിയവർ സംസാരിച്ചു.