കെ-റെയിൽ പദ്ധതി വേണ്ടെന്നുവെക്കേണ്ടിവരും -ചെന്നിത്തല

തിരുവനന്തപുരം: ​ജനരോഷം ഭയന്ന് കെ-റെയിൽ പദ്ധതി വേണ്ടെന്നുവെക്കേണ്ടിവരുമെന്ന്​ മുൻ പ്രതിപക്ഷ നേതാവ്​ രമേശ്​ ചെന്നിത്തല. കല്ലിടലിൽനിന്ന്​ പിന്മാറുന്ന റവന്യൂ വകുപ്പിന്‍റെ ഉത്തരവ്​ അതിന്​ ഉദാഹരണമാണ്​. ജോലിചെയ്താൽ ശമ്പളം നൽകേണ്ടെന്ന്​ നിലപാടെടുത്ത ആദ്യ കമ്യൂണിസ്റ്റ്​ സർക്കാറാണിത്​. ജോലിചെയ്ത കെ.എസ്​.ആർ.ടി.സി ജീവനക്കാരെ ശമ്പളം നൽകാതെ സർക്കാർ വഞ്ചിക്കുകയാണ്​. തൃക്കാക്കരയിലെ രാഷ്ട്രീയസാഹചര്യം യു.ഡി.എഫിന്​ അനുകൂലമാണെന്നും ചെന്നിത്തല മാധ്യമങ്ങളോട്​ പ്രതികരിച്ചു.