തലസ്ഥാനത്ത്​ 10,000 കോൺഗ്രസ്​ യൂനിറ്റ്​ രൂപവത്​കരിക്കും

തിരുവനന്തപുരം: ജില്ലയിൽ പാർട്ടിയുടെ 10,000 യൂനിറ്റുകൾ രൂപവത്​കരിക്കാൻ ജില്ല കോൺഗ്രസ്​ നേതൃയോഗം തീരുമാനിച്ചു. ഇതുവരെ ഏകദിന ശിൽപശാലകൾ പൂർത്തിയാക്കിയ 135 മണ്ഡലങ്ങളിലാണ് യൂനിറ്റ്​ രൂപവത്​കരിക്കുന്നത്. തിരുവനന്തപുരം കോർപറേഷൻ അതിർത്തിയിൽ യൂനിറ്റ് രൂപവത്​കരണത്തിന് ജില്ലയിലെ കെ.പി.സി.സി ഭാരവാഹികൾ ഉൾപ്പെടെ സീനിയർ നേതാക്കൾക്ക് ചുമതല നൽകി. പ്രസിഡന്‍റ്​ പാലോട് രവി അധ്യക്ഷത വഹിച്ചു. എൻ. ശക്തൻ, വി.എസ്.​ ശിവകുമാർ, എം.ആർ. രഘുചന്ദ്രബാൽ, എം. വിൻസന്‍റ്​ എം.എൽ.എ, വർക്കല കഹാർ, ശരത്ചന്ദ്രപ്രസാദ്, എം.എ. വാഹിദ്, ജി.എസ്.​ ബാബു, ജി. സുബോധൻ, കെ.മോഹൻകുമാർ, കരകുളം കൃഷ്ണപിള്ള, നെയ്യാറ്റിൻകര സനൽ, മണക്കാട് സുരേഷ്, ആർ. സെൽവരാജ്, പി.കെ. വേണുഗോപാൽ, സുധീർ ഷാ പാലോട് എന്നിവർ പങ്കെടുത്തു.