ആധാരമെഴുത്ത് അസോസിയേഷന്‍ സംസ്ഥാന സമ്മേളനം കൊല്ലത്ത്​

കൊല്ലം: ആധാരമെഴുത്ത് അസോസിയേഷന്‍ സംസ്ഥാന സമ്മേളനം മേയ്​ 12,13,14 തീയതികളില്‍ കൊല്ലത്ത്​ നടക്കും. 12ന് രാവിലെ ടൗണ്‍ഹാളില്‍ മന്ത്രി വി.എന്‍. വാസവന്‍ ഉദ്ഘാടനം ചെയ്യും. സംസ്ഥാന പ്രസിഡന്‍റ്​ കെ.ജി. ഇന്ദുകലാധരന്‍ അധ്യക്ഷതവഹിക്കും. എം.എല്‍.എമാരായ പി.സി. വിഷ്ണുനാഥ്, എം. നൗഷാദ്, ജി.എസ്. ജയലാല്‍, മുൻ എം.എൽ.എ എ.എ. അസീസ്​ തുടങ്ങിയവർ പ​​ങ്കെടുക്കും. ഉച്ചക്ക്​ രണ്ടിന്​ ട്രേഡ് യൂനിയന്‍ സമ്മേളനം ഐ.എന്‍.ടി.യു.സി സംസ്ഥാന പ്രസിഡന്‍റ്​ ആര്‍. ചന്ദ്രശേഖരനും സാംസ്‌കാരിക സമ്മേളനം അഞ്ചിനു കെ.ബി. ഗണേഷ്‌കുമാര്‍ എം.എൽ.എയും ഉദ്ഘാടനം ചെയ്യും.13ന് പ്രതിനിധി സമ്മേളനം പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്യും. എം. മുകേഷ് എം.എൽ.എ, സി.പി.ഐ ജില്ല സെക്രട്ടറി മുല്ലക്കര രത്‌നാകാരന്‍, ഡി.സി.സി പ്രസിഡന്‍റ്​ പി. രാജേന്ദ്രപ്രസാദ് എന്നിവര്‍ സംസാരിക്കും. 14ന് രാവിലെ വനിത സമ്മേളനം മന്ത്രി. ജെ. ചിഞ്ചുറാണി ഉദ്ഘാടനം ചെയ്യും. വൈകീട്ട്​ മൂന്നിന്​ പ്രകടനം ആശ്രാമം മൈതാനത്തുനിന്നാരംഭിക്കും. പൊതുസമ്മേളനം മന്ത്രി കെ.എന്‍. ബാലഗോപാല്‍ ഉദ്ഘാടനം ചെയ്യും. എന്‍.കെ. പ്രേമചന്ദ്രന്‍ എംപി, എം.എൽ.എമാരായ സുജിത് വിജയന്‍പിള്ള, സി.ആര്‍. മഹേഷ്, ജില്ല പഞ്ചായത്ത് പ്രസിഡന്‍റ്​ സാം.കെ. ഡാനിയല്‍, സി.പി.എം ജില്ല സെക്രട്ടറി എസ്. സുദേവൻ തുടങ്ങിയവർ പങ്കെടുക്കും. കെ.ജി. ഇന്ദുകലാധരന്‍, ജനറൽ സെക്രട്ടറി എ. അന്‍സാര്‍, സ്വാഗത സംഘം ചെയര്‍മാന്‍ പി. വേണുഗോപാലന്‍ നായര്‍, ജനറല്‍ കണ്‍വീനര്‍ ടി.വി. അനില്‍കുമാര്‍, പബ്ലിസിറ്റി കണ്‍വീനര്‍ എസ്​. മുരളീധരന്‍പിള്ള എന്നിവര്‍ വാർത്തസമ്മേളനത്തില്‍ പരിപാടി വിശദീകരിച്ചു.