പോങ്ങനാട്ട് വഴിയിടം പദ്ധതിക്ക് തുടക്കമായി

കിളിമാനൂർ: ബ്ലോക്ക് പഞ്ചായത്തിന്‍റെ ആഭിമുഖ്യത്തിൽ കിളിമാനൂർ പഞ്ചായത്തിലെ പോങ്ങനാട് കവലയിൽ നിർമിച്ച വഴിയിടം (വിശ്രമകേന്ദ്രവും പൊതുശുചിമുറികളും) പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡൻറ് ബി.പി. മുരളി നിർവഹിച്ചു. ബ്ലോക്ക് പഞ്ചായത്ത് 9.24 ലക്ഷം രൂപ ധനകാര്യ കമീഷൻ ഗ്രാന്‍റിൽ ഉൾപ്പെടുത്തിയാണ് പദ്ധതി ആവിഷ്കരിച്ചത്. പഞ്ചായത്ത്‌ പ്രസിഡൻറ് ടി.ആർ. മനോജ് അധ്യക്ഷത വഹിച്ചു. സ്റ്റാന്റിങ് കമ്മിറ്റി ചെയർമാൻ കൊട്ടറ മോഹൻകുമാർ, ജില്ല പഞ്ചായത്ത് മെംബർ ബേബിസുധ, ബ്ലോക്ക് പഞ്ചായത്ത് വൈസ് പ്രസിഡൻറ് ശ്രീജ ഉണ്ണികൃഷ്ണൻ, അംഗം ബൻഷ ബഷീർ, എം. ജയകാന്ത്, എം.എൻ. ബീന, രാധാകൃഷ്ണൻ എന്നിവർ സംസാരിച്ചു.