കെ.എസ്.ആർ.ടി.സി സമരം: തമിഴ്നാട് സർക്കാർ ബസ് അതിർത്തി വരെ മാത്രം

നാഗർകോവിൽ: കെ.എസ്.ആർ.ടി.സിയിൽ സി.ഐ.ടി.യു ഒഴികെയുള്ള സംഘടനകൾ 24 മണിക്കൂർ നടത്തിയ പണിമുടക്കിന്റെ ഭാഗമായി കേരളത്തിലേക്കുള്ള തമിഴ്നാട് സർക്കാർ ബസുകൾ കളിയിക്കാവിളയിൽ ഓട്ടം അവസാനിപ്പിച്ചു. വെള്ളിയാഴ്ച രാവിലെ പതിവുപോലെ തമിഴ്നാട് സർക്കാർ ബസുകൾ നാഗർകോവിലിൽ നിന്ന് തിരുവനന്തപുരത്തേക്ക്​ പുറപ്പെട്ടെങ്കിലും അതിർത്തിയിൽ കെ.എസ്.ആർ.ടി.സി തൊഴിലാളികൾ തടഞ്ഞതിനെ തുടർന്നാണ് ഓട്ടം കളിയിക്കാവിളയിൽ അവസാനിപ്പിച്ചതെന്ന് തമിഴ്നാട് സർക്കാർ ട്രാൻസ്പോർട്ട് അധികൃതർ പറഞ്ഞു.