ബൈക്കപകടത്തിൽ യുവാവ് മരിച്ചു

തിരുവനന്തപുരം: ബൈക്ക് ഡിവൈഡറിലിടിച്ച് മറിഞ്ഞ് യുവാവ് മരിച്ചു. ചെമ്പഴന്തി ഐരാറ്റ്‌ലെയ്ൻ മർക്കസ് നഗർ അനന്തുഭവൻ അനന്തു(22) ആണ് മരിച്ചത്. വ്യാഴാഴ്ച രാത്രി പ​േത്താടെ ഉള്ളൂർ ജങ്ഷന് സമീപമുള്ള പെട്രോൾ പമ്പിന് മുന്നിലായിരുന്നു അപകടം. ബൈക്ക് ഓടിച്ചിരുന്ന അനന്തു സംഭവസ്ഥലത്ത് തന്നെ മരിച്ചു. കൂടെയുണ്ടായിരുന്ന ആക്കുളം സ്വദേശി ആദിത്യനെ(20) മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബൈക്ക് അതിവേഗത്തിലായിരുന്നുവെന്ന് ദൃക്‌സാക്ഷികൾ പറഞ്ഞു.