വിദ്യാർഥികൾക്ക് പീഡനം: പ്രധാനാധ്യാപകന് സസ്പെൻഷൻ

നാഗർകോവിൽ: അഞ്ചാം ക്ലാസ് വിദ്യാർഥികളെ പീഡിപ്പിച്ചതിന്റെ പേരിൽ പ്രധാനാധ്യാപകന് സസ്പെൻഷൻ. പറക്ക സ്വദേശി നിത്യലക്ഷ്മണവേൽ (59) നെയാണ് പോക്സോ കേസിൽ അറസ്റ്റ് ചെയ്തതിനെ തുടർന്ന് സസ്പെൻഡ്​ ചെയ്തത്. ചൈൽഡ് ഹെൽപ്​ ലൈനിൽ ലഭിച്ച പരാതിയെ തുടർന്ന് ശിശുക്ഷേമ ഓഫിസർ ഷക്കീല ഭാനു നടത്തിയ അന്വേഷണത്തിൽ പരാതിയിൽ കഴമ്പുണ്ടെന്ന് അറിഞ്ഞതോടെ കോട്ടാർ ഓൾ വുമൺ പൊലീസ് കേസെടുക്കുകയായിരുന്നു. മുമ്പ് ജോലി ചെയ്ത സ്ഥലത്തും സമാന സംഭവത്തിന്റെ പേരിലാണ് പുതിയ സ്ഥലത്ത് സ്ഥലം മാറ്റിയത്.