തിരികെയെത്തി ആഘോഷകാലം

നിറങ്ങൾ പാറിക്കളിക്കുന്ന വിപണിക്കാലം വീണ്ടും കോ​വി​ഡിന്‍റെ പ്ര​തി​സ​ന്ധി​യിൽ അകപ്പെട്ട വ്യാപാരമേഖലയെ കൈപിടിച്ചുയർത്തി പെരുന്നാൾ വിപണി. കോ​വി​ഡ് നി​യ​ന്ത്ര​ണ​ങ്ങ​ളിൽ ഏ​റെ ന​ഷ്ടമുണ്ടായ വ​സ്ത്ര​വ്യാ​പാ​രി​ക​ൾ സീ​സ​ണ്‍ ക​ച്ച​വ​ട​ത്തി​ൽ തി​രി​ച്ചു​വ​ര​വി​ന്‍റെ ആ​ശ്വാ​സ​ത്തി​ലാ​ണ്. മാ​സ​ങ്ങ​ൾ അ​ട​ഞ്ഞു​കി​ട​ക്കേ​ണ്ടി​വ​രു​ക​യും തു​ട​ർ​ച്ച​യാ​യി ര​ണ്ടു​വ​ർ​ഷം പ്ര​ധാ​ന സീ​സ​ണ്‍ ക​ച്ച​വ​ട​ങ്ങ​ള്‍ ന​ഷ്ട​മാ​വു​ക​യും ചെ​യ്ത​തോ​ടെ പ​ല​ര്‍ക്കും ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മാ​ണ് സം​ഭ​വി​ച്ച​ത്. ആ​ളു​ക​ൾ കൂ​ട്ട​ത്തോ​ടെ വ​സ്ത്ര​ങ്ങ​ൾ വാ​ങ്ങാ​നാ​യി ന​ഗ​ര​ത്തി​ൽ എ​ത്തി​ത്തു​ട​ങ്ങി. വി​ഷു, പെ​രു​ന്നാ​ൾ വി​പ​ണി​യി​ലേ​ക്കാ​യി ഫെ​ബ്രു​വ​രി അ​വ​സാ​നംത​ന്നെ സാ​ധ​ന​ങ്ങ​ൾ ക​ട​യി​ലേ​ക്ക് എ​ത്തി​ച്ചി​ട്ടു​ണ്ട്. പെ​രു​ന്നാ​ളി​നു ദി​വ​സ​ങ്ങ​ൾ മാ​ത്രം ബാ​ക്കി​യി​രി​ക്കെ ന​ഗ​ര​ങ്ങ​ളി​ലെ വി​പ​ണി​ക​ളി​ൽ തി​ര​ക്കാ​യി. നോ​മ്പു​തു​റ​ന്ന് പ്രാ​ർ​ഥ​ന​ക്കു​ശേ​ഷം വ​സ്ത്ര​ങ്ങ​ൾ ഉ​ൾ​പ്പെ​ടെ​യു​ള്ള​വ വാ​ങ്ങാ​നാ​യി കു​ടും​ബ​സ​മേ​തം എ​ത്തു​ന്ന​വ​രു​ടെ എ​ണ്ണം വർധിക്കുന്നത് വ്യാ​പാ​രി​ക​ൾ​ക്ക് വ​ലി​യ പ്ര​തീ​ക്ഷ​യാ​ണ് സ​മ്മാ​നി​ക്കു​ന്ന​ത്. വ​സ്ത്രം, ചെ​രി​പ്പ്, ഫാ​ന്‍സി, മ​റ്റ്​ അ​ല​ങ്കാ​ര വ​സ്തു​ക്ക​ള്‍ എ​ന്നി​വ വി​ൽ​ക്കു​ന്ന സ്ഥാ​പ​ന​ങ്ങ​ള്‍ക്കെ​ല്ലാം ര​ണ്ടു​വ​ര്‍ഷ​മാ​യി ന​ഷ്ട​ങ്ങ​ളു​ടെ ക​ണ​ക്കു​ക​ള്‍ മാ​ത്ര​മാ​ണ് നി​ര​ത്താ​നു​ള്ള​ത്. ഇ​ത്ത​വ​ണ വ​ലി​യ സ്വ​പ്ന​ങ്ങ​ള്‍ ക​ണ്ടാ​ണ് പ​ല​രും സീ​സ​ണ്‍ ക​ച്ച​വ​ട​ത്തി​നാ​യി സ്റ്റോ​ക്ക് എ​ത്തി​ച്ചി​രി​ക്കു​ന്ന​ത്. അ​സം​സ്‌​കൃ​ത വ​സ്തു​ക്ക​ളു​ടെ വി​ല​ക്ക​യ​റ്റം​കൊ​ണ്ട് ചി​ല വ​സ്ത്ര​ങ്ങ​ൾ​ക്ക് ചെ​റി​യ രീ​തി​യി​ൽ വി​ല വ​ർ​ധി​ച്ചു. സ്ത്രീ​ക​ൾ​ക്കും പെ​ൺ​കു​ട്ടി​ക​ൾ​ക്കു​മി​ട​യി​ൽ വി​ദേ​ശ മാ​തൃ​ക​ക​ൾ​ക്കാ​ണ് ആ​വ​ശ്യ​ക്കാ​രേ​റെ. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് വ​സ്ത്ര​ങ്ങ​ൾ​ക്ക്​ വി​ലക്കു​റ​വാ​ണെ​ന്ന് വ്യാ​പാ​രി​ക​ൾ പ​റ​യു​ന്നു. സാ​മ്പ​ത്തി​ക മാ​ന്ദ്യം ഏ​റെ​യു​ണ്ടെ​ങ്കി​ലും സാ​മ്പ​ത്തി​ക സ്ഥി​തി അ​നു​സ​രി​ച്ചു​ള്ള വ​സ്ത്ര​ങ്ങ​ൾ വി​പ​ണി​യി​ൽ യ​ഥേ​ഷ്ട​മു​ണ്ട്. അ​തി​നാ​ൽ പെ​രു​ന്നാ​ൾ വി​പ​ണി​യി​ൽ മു​ൻ​വ​ർ​ഷ​ത്തെ അ​പേ​ക്ഷി​ച്ച് പൊ​ടി​പാ​റി​യ ക​ച്ച​വ​ട​മാ​ണി​പ്പോ​ൾ. വ​ള​രെ സ​ന്തോ​ഷ​ത്തോ​ടു​കൂ​ടി​യാ​ണ് ആ​ഘോ​ഷ രാ​വു​ക​ളെ സ്വീ​ക​രി​ക്കു​ന്ന​ത്. ---------------------------------------------------- മന്ത്രിസഭാ വാർഷികാഘോഷത്തിൽ ആഘോഷരാവുകൾ ചെറിയ പെരുന്നാൾ ആഘോഷത്തിലേക്ക് വിപണിയെ സജീവമാക്കി ആശ്രാമം മൈതാനത്ത് പ്രദർശന-വിപണന മേള. സംസ്ഥാന മന്ത്രിസഭാ വാര്‍ഷികാഘോഷത്തിന്‍റെ ഭാഗമായാണ് ആശ്രാമം മൈതാനത്ത് ആഘോഷ പരിപാടികൾ തുടങ്ങിയത്. മേയ് ഒന്നു വരെ നീളും. സര്‍ക്കാര്‍ സേവനങ്ങള്‍ ഒരു കുടക്കീഴില്‍ അണിനിരത്തി വിജ്ഞാന-വിനോദപ്രദമായ കാഴ്ചകളും ഒരുക്കിയുള്ള ആഘോഷ പരിപാടികൾ കാണികളുടെ വലിയ പങ്കാളിത്തംകൊണ്ട് ശ്രദ്ധേയമാകുന്നു. എല്ലാ ദിവസവും രാവിലെ 9.30 മുതല്‍ രാത്രി 8.30 വരെയാണ് പ്രദര്‍ശന-വിപണന മേള. സര്‍ക്കാറിന്‍റെ ജനക്ഷേമ പ്രവര്‍ത്തനങ്ങളും സേവനങ്ങളും 62 തീം സ്റ്റാളുകളില്‍ അവതരിപ്പിക്കുന്നു. 103 കമേഴ്‌സ്യല്‍ സ്റ്റാളുകളില്‍ വിവിധ വകുപ്പുകളുടേയും സര്‍ക്കാര്‍ ഏജന്‍സികളുടേയും ഉൽപന്ന പ്രദര്‍ശനവും ന്യായവിലയ്ക്കുള്ള വില്‍പനയും തുടങ്ങി. സര്‍വിസ് സ്റ്റാളുകള്‍ വഴി തത്സമയ ചികിത്സ, ഐ.ടി സേവനങ്ങള്‍ എന്നിവയും ലഭ്യമാണ്. കൃഷി, മൃഗസംരക്ഷണ വകുപ്പുകളുടെ പ്രത്യേക പ്രദര്‍ശനവുമുണ്ട്. അഞ്ചു ജില്ലകളില്‍ നിന്നുള്ള വേറിട്ട രുചികളുമായി കുടുംബശ്രീ നേതൃത്വം നല്‍കുന്ന ഫുഡ് കോര്‍ട്ടും ആകർഷകമാണ്. ആയിരത്തോളം പേര്‍ക്ക് ഇരിക്കാവുന്ന സ്ഥിരംവേദിയില്‍ ദിവസവും വൈകീട്ട്​ വ്യത്യസ്ത കലാപരിപാടികള്‍ അരങ്ങേറും. വ്യാഴാഴ്ച രാവിലെ 11ന് ഫിഷറീസ് വകുപ്പിന്‍റെ ബയോഫ്ലോക്കും-വനാമി ചെമ്മീന്‍കൃഷിയും, വൈകീട്ട്​ മൂന്നിന് തദ്ദേശ സ്വയംഭരണ വകുപ്പിന്‍റെ അധികാരവികേന്ദ്രീകരണം കാല്‍ നൂറ്റാണ്ട് പിന്നിടുമ്പോള്‍ സെമിനാർ. വൈകീട്ട്​ അഞ്ചിന് ചിറക്കര സലിം കുമാറിന്‍റെ കഥാപ്രസംഗം, 6.30 ന് പ്രസീദയുടെ നേതൃത്വത്തില്‍ നാടന്‍പാട്ട്. വെള്ളിയാഴ്ച വൈകീട്ട്​ അഞ്ചിന് കുടുംബശ്രീ കലാസംഘത്തിന്‍റെ വ്യത്യസ്ത പരിപാടികള്‍. ശനിയാഴ്ച വൈകീട്ട്​ 6.30 ന് ഇരട്ട ഗ്രാമി അവാര്‍ഡ് ജേതാവ് മനോജ് ജോർജി‍ൻെറ വയലിന്‍ ഫ്യൂഷന്‍. ഞായറാഴ്ച വൈകീട്ട്​ 6.30ന് ഉണ്ണിമേനോന്‍ നയിക്കുന്ന സംഗീത പരിപാടി - നൊസ്റ്റാള്‍ജിയ.