ഈസ്റ്റർ ദിനത്തിൽ നെയ്യാറ്റിൻകര ഡിപ്പോയിൽ ജനറൽ കൺട്രോളിങ്​ ഇൻസ്​പെക്ടറുടെ പട്ടിണി സമരം

attn all local നെയ്യാറ്റിൻകര: മാർച്ചിലെ ജീവനക്കാരുടെ ശമ്പളം അനിശ്ചിതമായി നീണ്ടു പോകുന്നതിൽ പ്രതിഷേധിച്ച് നെയ്യാറ്റിൻകര കെ.എസ്.ആർ.ടി.സി ഡിപ്പോയിൽ ജനറൽ കൺട്രോളിങ്​ ഇൻസ്​പെക്ടർ ടി.ഐ. സതീഷ് കുമാറിന്റെ നേതൃത്വത്തിൽ പട്ടിണി സമരം സംഘടിപ്പിച്ചു. കെ.എസ്.ആർ.ടി എംപ്ലോയീസ് അസോസിയേഷൻ സംഘടിപ്പിച്ച നാലാം ദിവസത്തെ സത്യഗ്രഹ സമരം കർഷക സംഘം ഏരിയ സെക്രട്ടറി ബി.എസ്. ചന്തു ഉദ്ഘാടനം ചെയ്തു. ട്രാൻസ്​പോർട്ടിലെ അനിശ്ചിതകാല സത്യഗ്രഹ സമരത്തെ സി.കെ. ഹരീന്ദ്രൻ എം.എൽ.എ അഭിവാദ്യം ചെയ്തു. ശമ്പള വിതരണം വരെ നിരാഹാര സത്യഗ്രഹ സമരം തുടരും. അസോസിയേഷൻ സംസ്ഥാന എക്സിക്യൂട്ടീവ് അംഗം എൻ.കെ. രഞ്ജിത്തിന്റെ അധ്യക്ഷതയിൽ ചേർന്ന യോഗത്തിൽ സംസ്ഥാന വൈസ് പ്രസിഡന്‍റ്​ സുശീലൻ മണവാരി, സി.ഐ.ടി.യു ഏരിയ പ്രസിഡന്‍റ്​ എൻ.എസ്. ദിലീപ്, അസോസിയേഷൻ യൂനിറ്റ് സെക്രട്ടറി ജി. ജിജോ, കെ.എസ്. അനിൽകുമാർ, എസ്.എസ്.സജികുമാർ, ജിനു, എസ്.എൽ. പ്രശാന്ത്, ഒ. ശ്രീജകുമാരി തുടങ്ങിയവർ സംസാരിച്ചു. photo. WhatsApp Image 2022-04-17 at 1.49.26 PM WhatsApp Image 2022-04-17 at 1.49.25 PM ട്രാൻസ്​പോർട്ടിലെ അനിശ്ചിതകാല സത്യഗ്രഹ സമരത്തെ സി.കെ. ഹരീന്ദ്രൻ എം.എൽ.എ അഭിവാദ്യം ചെയ്തു