കണിയാപുരത്തുനിന്ന്​ കെ.എസ്.ആർ.ടി.സി സ്വിഫ്റ്റ് സർവിസ്​

തിരുവനന്തപുരം: കണിയാപുരത്തുനിന്ന്​ തിരുവനന്തപുരം- നാ​ഗർകോവിൽ വഴി ബംഗളൂരുവിലേക്ക് പരീക്ഷണാടിസ്ഥാനത്തിൽ കെ.എസ്.ആർ.ടി.സി സ്വിഫ്റ്റ് സർവിസ് ആരംഭിക്കും. തിരുവനന്തപുത്തുനിന്ന്​ പാലക്കാട്, സേലം വഴി ബംഗളൂരുവിൽ എത്തുന്നതിനേക്കാൾ നാലുമണിക്കൂറോളം സമയലാഭം നാ​ഗർകോവിൽ വഴിയുള്ള സർവിസിന് ലഭിക്കും. കണിയാപുരത്ത് നിന്ന്​ വൈകുന്നേരം ഏഴിന്​ ആരംഭിക്കുന്ന സർവിസ്​ ടെക്​നോപാർക്കിൽ എത്തി അവി​ടെ നിന്ന്​ എട്ടിന് പുറപ്പെട്ട് തിരുവനന്തപുരം നാ​ഗർകോവിൽ വഴി രാവിലെ ബംഗളൂരുവിൽ എത്തും.