മൂന്ന്​ വെറ്ററിനറി ഡോക്ടർമാർക്ക്​ ആദരം

തിരുവനന്തപുരം: കേരള വെറ്ററിനറി സർവിസ്​ അസോസിയേഷൻ വാർഷിക ജനറൽ ബോഡി സംഘടിപ്പിച്ചു. ചടങ്ങിൽ മൃഗസംരക്ഷണ മേഖലയിൽ സ്തുത്യർഹ സേവനം കാഴ്ചവെച്ച മൂന്ന്​ വെറ്ററിനറി ഡോക്ടർമാരെ ആദരിച്ചു. മൗണ്ടഡ്​​ ​പൊലീസ്​ യൂനിറ്റി​ലെ അസിസ്റ്റന്‍റ്​ ഡയറക്ടർ ഡോ. ലോറൻസ്​ കെ.ജെ, തിരുവനന്തപുരം സുവോളജിക്കൽ ഗാർഡൻസിലെ അസിസ്റ്റന്‍റ്​ ഡയറക്ടർ ഡോ. ജേക്കബ്​ അലക്സാണ്ടർ, വർക്കല മൃഗാശുപത്രിയിലെ വെറ്ററിനറി സർജൻ ഡോ. രമ എന്നിവരെയാണ്​ ആദരിച്ചത്​. ശനിയാഴ്ച തലസ്ഥാനത്ത്​ നടന്ന ചടങ്ങിൽ മന്ത്രി ജി.ആർ. അനിൽ മൂന്നുപേരെയും മെ​മന്‍റോ നൽകി​ ആദരിച്ചു​.