സ്നേഹവേദിയായി ജമാഅത്തെ ഇസ്​ലാമി ഇഫ്താർ വിരുന്ന്

*സ്​നേഹവും സാഹോദര്യവും ചേർത്തുപിടിക്കണമെന്ന്​ ഇഫ്താർ സന്ദേശം തിരുവനന്തപുരം: വ്രതാനുഷ്ഠാനത്തിന്‍റെ പുണ്യത്തില്‍ ജമാഅത്തെ ഇസ്​ലാമി കേരള ഒരുക്കിയ ഇഫ്താർ വിരുന്ന്​ സാഹോദര്യത്തിന്‍റെ സ്നേഹവേദിയായി. തലസ്ഥാനത്ത്​ വ്യാഴാഴ്ച സംഘടിപ്പിച്ച നോമ്പുതുറയിൽ കക്ഷിരാഷ്ട്രീയ ഭേദമന്യേ സമൂഹത്തിന്‍റെ നാനാതുറകളിൽ നിന്നുള്ളവർ ഒത്തുകൂടി. നോമ്പുകാലത്തിന്‍റെ പുണ്യത്തെ സംബന്ധിച്ചും അത്​ സമൂഹത്തിൽ പകർന്നുനൽകുന്ന ആത്മചൈതന്യത്തെക്കുറിച്ചും ജമാഅത്തെ ഇസ്​ലാമി കേരള അമീർ എം.ഐ. അബ്​ദുൽ അസീസ് റമദാൻ സന്ദേശത്തിൽ ഓർമിപ്പിച്ചു. നമ്മുടെ ചുറ്റുപാടുകൾ ഇരുട്ടുകൊണ്ട്​ പൊതിഞ്ഞിരിക്കുകയാണ്​. വെറുപ്പിന്‍റെയും വംശീയതയുടെയും വർഗീയ ദ്രുവീകരണത്തിന്‍റെയും ഇരുട്ടാണ്​ ചുറ്റിലും. അത്​ ഭേദിക്കാൻ നമുക്കാകുമെന്നും അദ്ദേഹം പറഞ്ഞു. ആത്മവിശുദ്ധിയുടെ ദിനങ്ങളാണ്​ റമദാനെന്നും സമൂഹത്തിനുവേണ്ടി നന്മയും വെളിച്ചവും പ്രേജ്വലിപ്പിച്ച്​ കരുണയോടെ ജീവിക്കണമെന്നും തിരുവനന്തപുരം ആർച്ച്​ ബിഷപ്​ തോമസ്​ ജെ. നെ​റ്റോ ചൂണ്ടിക്കാട്ടി. ഒരു മതത്തോടും സ്പർധപാടില്ലെന്നാണ്​ ഹിന്ദുമതത്തിന്‍റെ അടിസ്ഥാന തത്ത്വമെന്ന്​ സംവിധായകൻ അടൂർ ഗോപാലകൃഷ്​ണൻ പറഞ്ഞു. ഇസ്​ലാം എന്ന്​ കേൾക്കുമ്പോൾ തീവ്രവാദിയാണെന്ന്​ പ്രചരിപ്പിക്കുന്ന രീതിയിലേക്ക്​ കാര്യങ്ങൾ എത്തിനിൽക്കുന്നു. അത്​ ശരിയല്ലെന്നും അദ്ദേഹം പറഞ്ഞു. ഇതരമതസ്ഥർ തമ്മിലെ കൂടിച്ചേരലുകൾ കുറഞ്ഞതാണ്​ നമുക്കിടയിലെ അകലങ്ങൾക്കും വി​ദ്വേഷങ്ങൾക്കും കാരണമെന്ന്​ സ്വാമി അശ്വതി തിരുനാൾ ചൂണ്ടിക്കാട്ടി. നന്മയും പരസ്പവിശ്വാസവും ഊട്ടിയുറപ്പിക്കാൻ നോമ്പിനും ഇഫ്താർ സംഗമങ്ങൾക്കും കഴിയട്ടെയെന്ന്​ മുൻ മുഖ്യമന്ത്രി ഉമ്മൻ ചാണ്ടി പറഞ്ഞു. ഐക്യത്തിന്‍റെയും മതസഹിഷ്ണുതയുടെയും സന്ദേശമാണ്​ ഇഫ്താർ സംഗമങ്ങൾ നൽകുന്നതെന്ന്​ കെ.പി.സി.സി പ്രസിഡന്‍റ്​ കെ. സുധാകരൻ അഭിപ്രായപ്പെട്ടു. യു.ഡി.എഫ്​ കൺവീനർ എം.എം. ഹസൻ, ചെറിയാൻ ഫിലിപ്പ്​, സി.എം.പി നേതാവ്​ സി.പി. ജോൺ, മുസ്​ലിം വ്യക്തിനിയമ ബോർഡ്​ അംഗം അബ്​ദുൽ ശുക്കൂർ മൗലവി അൽ കാസിമി, പാളയം ഇമാം ഡോ. വി.പി. സുഹൈബ്​ മൗലവി, എൻ. ശക്തൻ, എച്ച്​. ഷഹീർ മൗലവി, കടയ്​ക്കൽ ജുനൈദ്​, പ്രഫ. ജമാൽ മുഹമ്മദ്​, ഹമീദ്​ വാണിയമ്പലം, ഇ.എം. നജീബ്​, നാസർ കടയറ, പി.പി. അബ്​ദുറഹ്​മാൻ പെരിങ്ങാടി, ടി.യു. രാധാകൃഷ്​ണൻ, സന്തോഷ്​കുമാർ, താജുദ്ദീൻ, അമീൻ മൗലവി, ഹബീബ്​ മുഹമ്മദ്​, ഡോ. കായംകുളം യൂനുസ്​, ആര്യാടൻ ഷൗക്കത്ത്​, പ്രഫ. കെ.എം. ജലീൽ, ഇ.പി. അബൂബക്കർ അൽകാസിമി, ജെ.കെ. ഹസീന, രാകേന്ദു, ജി.എസ്​. പ്രദീപ്​, കെ.എ. ഷാജി, മുഹമ്മദ്​ ഹനീഷ് ഐ.എ.എസ്​​, കെ.എ. ഷെഫീക്ക്​, സുരേന്ദ്രൻ കരിപ്പുഴ, ജേക്കബ്​ ജോർജ്, ജെ. രഘു​ തുടങ്ങിയവർ പ​ങ്കെടുത്തു. ജമാഅത്തെ ഇസ്​ലാമി അസി. അമീർ പി. മുജീബുറഹ്​മാൻ സ്വാഗതം പറഞ്ഞു. tvgpb4 ​ ജമാഅത്തെ ഇസ്​ലാമി കേരള തിരുവനന്തപുരത്ത് ഒരുക്കിയ ഇഫ്​താർ വിരുന്നിൽ പ​​ങ്കെടുത്ത കരമന ജുമാമസ്​ജിദ്​ ഇമാം അമീനുദ്ദീൻ മൗലവി, സ്വാമി അശ്വതി തിരുനാൾ, ഹമീദ്​ വാണിയമ്പലം, ജമാഅത്തെ ഇസ്​ലാമി വൈസ്​ ചെയർമാൻ പി. മുജീബ്​ റഹ്​മാൻ, ഉമ്മൻ ചാണ്ടി, കെ.പി.സി.സി ​പ്രസിഡൻറ്​ കെ. സുധാകരൻ, ജമാഅത്തെ ഇസ്​ലാമി കേരള അമീർ എം.ഐ. അബ്​ദുൽ അസീസ്​, അബ്​ദുറഹ്​​മാൻ പെരിങ്ങാടി, യു.ഡി.എഫ്​ കൺവീനർ എം.എം. ഹസൻ, തിരുവനന്തപുരം ആർച്ച്​ ബിഷപ്​ തോമസ്​ ജെ.നെറ്റോ, ആര്യാടൻ ഷൗക്കത്ത്​, അടൂർ ഗോപാലകൃഷ്​ണൻ, ചെറിയാൻ ഫിലിപ്പ്​, പാളയം ഇമാം വി.പി. സുഹൈബ്​ മൗലവി തുടങ്ങിയവർ