റൂട്രോണിക്സിൽ കമ്പ്യൂട്ടർ പരിശീലനം

തിരുവനന്തപുരം: പട്ടികജാതി-പട്ടികവർഗ വിഭാഗത്തിലെ വിദ്യാർഥികൾക്ക്​ കേരള സ്റ്റേറ്റ് റൂട്രോണിക്സിന്റെ സൗജന്യ തൊഴിലധിഷ്ഠിത കമ്പ്യൂട്ടർ പരിശീലനത്തിന്​ അപേക്ഷ ക്ഷണിച്ചു. തൊഴിൽ സാധ്യതയുള്ളതും വിവിധ പി.എസ്.സി നിയമനങ്ങൾക്ക് യോഗ്യവുമായ പി.ജി.ഡി.സി.എ, ഡി.സി.എ, ഡാറ്റാ എൻട്രി, ഡി.ടി.പി, കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിങ്​ (ജി.എസ്​.ടി), പിഡികാഡ് (ഓട്ടോകാഡ്) കോഴ്സുകൾക്കും കേരള സർക്കാർ അംഗീകരിച്ച കമ്പ്യൂട്ടർ ടി.ടി.സി, ഹാർഡ്​വെയർ ആൻഡ്​ നെറ്റ്​വർക്കിങ്​, വെബ് ആൻഡ്​ ഗ്രാഫിക് ഡിസൈനിങ്​, ആർക്കിടെക്ച്ചറൽ ബിൽഡിങ്​ ഡിസൈൻ, 2D, 3D അനിമേഷൻ കോഴ്സുകൾക്കുമാണ്​ ​​പ്രവേശനം. പട്ടികവിഭാഗങ്ങളിലുള്ളവർക്ക്​ സൗജന്യമായും മറ്റ് വിഭാഗത്തിലെ വിദ്യാർഥികൾക്ക് 20 ശതമാനംവരെ ഫീസിളവോടെയും പ്രവേശനം നേടാം. വിശദവിവരങ്ങൾക്കും പ്രവേശനത്തിനും അപേക്ഷകർ പേര്, വിലാസം, ഫോൺ നമ്പർ, വിദ്യാഭ്യാസ യോഗ്യത, പഠിക്കാനാഗ്രഹിക്കുന്ന കോഴ്സ്, പരിശീലനകേന്ദ്രം എന്ന ക്രമത്തിൽ 9072767005 എന്ന നമ്പറിലേക്ക് എസ്​.എം.എസ്​ / വാട്​സ്​ആപ്​ ചെയ്യുക.