കെ.എസ്.ടി.എ ജില്ല വാർഷിക പ്രതിനിധി സമ്മേളനം

തിരുവനന്തപുരം: കേരള സ്റ്റേറ്റ് ടെയ്​ലേഴ്​സ്​ അസോസിയേഷൻ പ്രതിനിധി സമ്മേളനം ഏപ്രിൽ 10ന് പി. എം.ജി ജങ്ഷന് സമീപം കെ.എസ്.ടി.എ മന്ദിരം ഹാളിൽ നടക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. ജില്ല പഞ്ചായത്ത്‌ പ്രസിഡന്‍റ്​ ഡി. സുരേഷ്‌കുമാർ ഉദ്ഘാടനം നിർവഹിക്കും. ഭാരവാഹികളായ കെ. വിദ്യാധരൻ, ബി. കൃഷ്ണകുമാർ എന്നിവർ വാർത്തസമ്മേളനത്തിൽ പ​ങ്കെടുത്തു. കള്ളക്കേസെടുക്കാൻ കൂട്ടുനിന്നില്ല; എക്സൈസ് ഡ്രൈവർക്ക് ഔദ്യോഗിക പീഡനമെന്ന്​ പരാതി തിരുവനന്തപുരം: കള്ളക്കേസെടുക്കാൻ കൂട്ടുനിൽക്കാത്തതിന്​ എക്​സൈസ്​ ഡ്രൈവർക്ക്​ ഔദ്യോഗിക പീഡനമെന്ന്​ പരാതി. കൊല്ലം എക്സൈസ് സ്പെഷൽ സ്‌ക്വാഡ് ഡ്രൈവറായിരുന്ന എൽ. മുഹമ്മദ്‌ ആഷിക്കിനെയാണ്​ പീഡിപ്പിക്കുന്നതെന്ന്​ ബന്ധുക്കൾ വാർത്തസമ്മേളനത്തിൽ പരാതിപ്പെട്ടു​. ഇദ്ദേഹത്തെ ഇപ്പോൾ കാണാനില്ലെന്നും ബന്ധുക്കൾ പറഞ്ഞു. പത്തനാപുരം എക്‌സൈസ് റേഞ്ച് ഓഫിസിലെ ഡ്രൈവറായിരുന്നു. തങ്ങളുടെ ഇഷ്ടാനുസരണം പ്രവർത്തിക്കാത്തതിനാൽ മേലുദ്യോഗസ്ഥർക്ക്​ ഇദ്ദേഹത്തോട്​ അഭിപ്രായവ്യത്യാസം ഉണ്ടായിരുന്നുവെന്നും അവർ പറഞ്ഞു. ഇതുസംബന്ധിച്ച്​ എക്‌സൈസ് കമീഷണർക്ക് പരാതി നൽകിയെങ്കിലും നടപടി ഉണ്ടായില്ല. പകരം അച്ചടക്ക നടപടി ചൂണ്ടിക്കാട്ടി ആഷിക്കിനെ സ്ഥലം മാറ്റുകയും ചെയ്തു. പത്തനാപുരം റേഞ്ചിൽനിന്നും തൃശൂർ എക്‌സൈസ് അക്കാദമിയിലേക്കാണ്​ വിട്ടത്​. എന്നാൽ, മാർച്ച്​ 27ന്​ പത്തനാപുരത്തുനിന്നും വിട്ടശേഷം ഇതുവരെ തൃശൂരിൽ എത്തിയിട്ടി​ല്ലെന്നും ബന്ധുക്കൾ പറഞ്ഞു. പരാതി നൽകിയ പൊലീസിൽനിന്നും എക്‌സൈസ് അധികൃതരിൽ നിന്നും കടുത്ത അനാസ്ഥയാണ് നേരിടുന്നതെന്നും കുടുംബം ആരോപിച്ചു. വാർത്തസമ്മേളനത്തിൽ സാമൂഹിക പ്രവർത്തകൻ സാബു സ്​റ്റീഫൻ, പിതാവ്​ ലിയാഖത്ത്​ അലി, സഹോദരി ജാസ്മി എന്നിവർ പ​ങ്കെടുത്തു.