പ്രധാനമന്ത്രി ഇന്ന്​ ബി.ജെ.പി പ്രവർത്തകരെ അഭിസംബോധന ചെയ്യും

തിരുവനന്തപുരം: ബി.ജെ.പി സ്ഥാപകദിനമായ ഇന്ന് പ്രധാനമന്ത്രി നരേന്ദ്ര മോദി പ്രവർത്തകരെ അഭിസംബോധന ചെയ്യും. രാവിലെ ഒമ്പതിന്​ സംസ്ഥാന-ജില്ല-മണ്ഡല-പഞ്ചായത്ത് ബൂത്ത് തലങ്ങൾ കേന്ദ്രീകരിച്ച് പ്രവർത്തകർ ഒത്തുചേരും. എല്ലാ സ്ഥലത്തും വലിയ സ്ക്രീനുകളുണ്ടാകും. സംസ്ഥാന അധ്യക്ഷൻ കെ. സുരേന്ദ്രൻ സംസ്ഥാന കാര്യാലയത്തിൽ പതാക ഉയർത്തും. നരേന്ദ്ര മോദി സർക്കാറിന്‍റെ ജനക്ഷേമ പദ്ധതികൾ എല്ലാ ജനങ്ങളിലുമെത്തിക്കുകയാണ് ലക്ഷ്യമെന്ന് സുരേന്ദ്രൻ പറഞ്ഞു.