ബസിന്​ മുന്നിൽ ബൈക്ക്​ യാത്രികരുടെ അഭ്യാസ പ്രകടനം

തിരുവനന്തപുരം: കെ.എസ്​.ആർ.ടി.സി ബസിന്​ മുന്നിൽ ബൈക്ക്​ യാത്രക്കാരുടെ അപകടകരമായ അഭ്യാസപ്രകടനം. കോഴിക്കോട്​ തൊട്ടിൽപാലത്തുനിന്ന്​ തിരുവനന്തപുരത്തേക്ക്​ വന്ന ബസിന്​ മുന്നിൽ ഞായറാഴ്ച പുലർച്ച ഒന്നരയോടെയായിരുന്നു​ സാഹസിക പ്രകടനം. പെരുമ്പിലാവ് മുതല്‍ കുന്നംകുളം വരെ ഇവർ ബസിന് മുന്നിലൂടെ ബൈക്ക് ഓടിച്ചതായി ബസി‍ൻെറ ഡ്രൈവർ തിരുവനന്തപുരത്ത്​ മാധ്യമങ്ങളോട്​ പറഞ്ഞു. ബസ് നിയന്ത്രണം വിടുന്ന രീതിയിലായിരുന്നു അഭ്യാസമെന്ന് ഡ്രൈവർ കൂട്ടിച്ചേർക്കുന്നു. മൂന്ന് ബൈക്കുകളിലായി ഏഴുപേരാണ് ഉണ്ടായിരുന്നതെന്ന് യാത്രക്കാരും പറയുന്നു.