വിദ്യാർഥികൾ സമൂഹത്തിലേക്ക് ഇറങ്ങിച്ചെല്ലണം -ജി.ആർ. അനിൽ

നെടുമങ്ങാട്: മഅ്ദിൻ സി എം കാമ്പസിൽ സാഹ്ദറ സ്റ്റുഡന്റ്​സ് ഫെസ്റ്റിവൽ മന്ത്രി ജി.ആർ. അനിൽ ഉദ്ഘാടനം ചെയ്തു. പാഠ്യവിഷയങ്ങൾക്ക് പുറമെ സമൂഹത്തിലേക്ക് ഇറങ്ങിച്ചെന്ന് പ്രവർത്തിക്കാൻ വിദ്യാർഥികൾ ശ്രമിക്കണമെന്ന് മന്ത്രി പറഞ്ഞു. മഅ്ദിൻ അക്കാദമി ചെയർമാൻ ബദ്റുസദാത്ത് സയ്യിദ് ഇബ്രാഹിമുൽ ഖലീൽ അൽ ബുഖാരി സംഗമത്തിൽ മുഖ്യാതിഥിയായിരുന്നു. ഫെസ്റ്റിവലിൽ നൂറിലധികം മത്സരങ്ങളും മൂന്ന് വ്യത്യസ്ത സെഷനുകളും നടന്നു. സാഹിത്യകാരൻ സലിൻ മാങ്കുഴി സന്ദേശ പ്രഭാഷണം നടത്തി. എ. ജയകുമാർ, നസീറുദ്ദീൻ ജൗഹരി കല്ലറ, ഷാൻ സഖാഫി ബീമാപള്ളി, ഷംനാദ് വാളിക്കോട്, സക്കരിയ അദനി പെരിന്തൽമണ്ണ, നസീർ അദനി മലപ്പുറം, അബ്ദുൽഹയ്യ് അദനി താഴെക്കോട് എന്നിവർ പങ്കെടുത്തു. ഫോട്ടോ : മഅ്ദിൻ സി എം കാമ്പസിൽ സാഹ്ദറ സ്റ്റുഡന്റസ് ഫെസ്റ്റിവൽ മന്ത്രി ജി.ആർ. അനിൽ ഉദ്ഘാടനം ചെയ്യുന്നു