കേരള അഡ്മിനിസ്ട്രേറ്റിവ് സർവിസിൽ തൽസ്ഥിതി തുടരണം- കേരള എൻ.ജി.ഒ സെന്‍റർ

തിരുവനന്തപുരം: കേരള അഡ്മിനിസ്ട്രേറ്റിവ് സർവിസിലേക്ക് സർക്കാർ ഉദ്യോഗസ്ഥർക്ക്​ സംവരണം ചെയ്ത മൂന്നിൽ രണ്ട് ഒഴിവുകൾ മൂന്നിലൊന്നായി കുറക്കാനുള്ള 11ാം ശമ്പള കമീഷന്‍റെ ഏഴാം ശിപാർശ സർക്കാർ സ്വീകരിക്കരുതെന്ന് കേരള എൻ.ജി.ഒ സെന്‍റർ സംസ്ഥാന കമ്മിറ്റി ആവശ്യപ്പെട്ടു. ഇത്തരത്തിലുള്ള നടപടികൾ സർക്കാർ ജീവനക്കാരുടെ മനോവീര്യം തളർത്തുന്നതിന് മാത്രമേ ഉപകരിക്കൂ എന്നും യോഗം അഭിപ്രായപ്പെട്ടു. കേരള എൻ.ജി.ഒ സെന്‍റർ സംസ്ഥാന പ്രസിഡന്‍റ് എം.കെ. മൊയ്തു അധ്യക്ഷത വഹിച്ചു. ജനറൽ സെക്രട്ടറി കെ. ചന്ദ്രൻ, വട്ടിയൂർക്കാവ് രാജൻ, എസ്. സുനിൽകുമാർ, ബിനു ചന്ദ്രശേഖരൻ, ഇ.വി. രാജേഷ്, സി. ഹാരിഷ്, ശ്രീജിത്ത് ശങ്കർ, ജോഷി റസാദ് എന്നിവർ സംസാരിച്ചു.