വസ്​ത്ര വ്യാപാരമേഖലക്ക് ഉണർവ് നൽകിയ സംഘടന

നെയ്യാറ്റിൻകര: വസ്​ത്ര വ്യാപാരമേഖലയുടെ ഉന്നമനത്തിന്​ ചലനാത്മകമായ പ്രവർത്തനം കാഴ്ചവെച്ച് മുന്നേറുന്ന വ്യാപാരി കൂട്ടായ്മയാണ് കേരള ടെക്സ്റ്റയിൽസ്​ ഗാർമൻെറ്സ്​ ഡീലേഴ്സ്​ വെൽഫെയർ അസോസിയേഷൻ. വസ്​ത്ര വ്യാപാരികൾക്കിടയിൽ അനിശ്ചിതമായി നിലനിന്ന നിരവധി പ്രശ്നങ്ങൾക്ക് പരിഹാരമായത് കെ.റ്റി.ജി.എയുടെ സജീവ പ്രവർത്തനത്തിലൂടെയാണ്. വസ്​ത്ര വ്യാപാരികൾക്കുവേണ്ടി മാത്രം കേരളത്തിലാരംഭിച്ച സംസ്ഥാ​നത്തെ ഏക കൂട്ടായ്മയിലൂടെ വ്യാപാരികൾ ഇതിനകം നേടിയത് പലവിധ നേട്ടങ്ങളാണ്. നികുതിഭാരം ടെക്സ്റ്റയിൽ​ മേഖലയെ തകർച്ചയിലേക്ക് വലിച്ചെറിയാൻ തുടങ്ങിയപ്പോൾ ആരംഭിച്ചതാണ് ഈ കൂട്ടായ്മ. ശ്രീനിവാസ റെഡ്​ഡിയാർ, കെ. കൃഷ്ണൻ തുടങ്ങിയവരുടെ നേതൃത്വത്തിൽ 1981 ലാണ് ഓൾ കേരള ടെക്സ്​റ്റൈൽസ്​ അസോസിയേഷൻ പ്രവർത്തനമാരംഭിച്ചത്. അന്യായ നികുതി ചുമത്തി ടെക്സ്റ്റയിൽസ്​ വ്യാപാരികളെ ബുദ്ധിമുട്ടിലാക്കാൻ ശ്രമിച്ചിരുന്ന പല അവസരങ്ങളിലും ശക്തമായ പ്രതിഷേധ പോരാട്ടങ്ങളിലൂടെ അസോസിയേഷൻ വിജയം കൈവരിച്ചു. കോവിഡ് കാലത്ത്​ വസ്​ത്ര വ്യാപാരസ്ഥാപനങ്ങൾ തുറക്കാൻ കഴിയാതിരുന്ന കടുത്ത നിയന്ത്രണങ്ങളുടെ കാലത്ത്​ അസോസിയേഷന്‍റെ നിരന്തരമായ ഇടപെടൽ കാരണം സ്ഥാപനങ്ങൾ തുറന്ന് പ്രവർത്തിക്കാനായത് വ്യാപാരികൾക്ക് വലിയ ആശ്വാസമായി. എ. അനുരൂപ് ജനറൽ സെക്രട്ടറി കെ.റ്റി.ജി.എ നെയ്യാറ്റിൻകര മേഖല