പട്ടാപ്പകല്‍ വീടിന്റെ വാതില്‍ തകര്‍ത്ത് സ്വര്‍ണക്കവര്‍ച്ച; പ്രതി പിടിയില്‍

വെള്ളറട: പട്ടാപ്പകല്‍ വീടിന്റെ വാതില്‍ തകര്‍ത്ത് സ്വര്‍ണക്കവര്‍ച്ച; പ്രതി പിടിയില്‍. ബുധനാഴ്ച രാവിലെ അമ്പൂരി കാന്താരിവിള കിഴക്കേ നിരപ്പില്‍ വീട്ടില്‍ വിമുക്ത ഭടൻ ഷാജി വര്‍ഗീസിന്റെ വീട്ടിലാണ്​ മോഷണം നടന്നത്​. വാതില്‍ തകര്‍ത്ത് അലമാരയില്‍നിന്ന്​ 17 പവന്‍ സ്വര്‍ണവും മൊബൈല്‍ ഫോണും മോഷ്ടിച്ച വിളപ്പില്‍ശാല സിന്ധു നിലയത്തില്‍ അരുണ്‍ എന്ന ശ്രീകാന്ത് (35) ആണ് പിടിയിലായത്. രാവിലെ കുട്ടികളെ സ്‌കൂളില്‍ കൊണ്ടുവിടാനായി ഷാജിയും ഭാര്യയും പോയ സമയത്തായിരുന്നു മോഷണം. റൂറല്‍ ജില്ല പൊലീസ് മേധാവി ദിവ്യ ഗോപിനാഥിന്റെ നിർദേശപ്രകാരം നർകോട്ടിക് സെല്‍ ഡിവെ.എസ്.പി വി.ടി. രാസിത്, നെയ്യാറ്റിന്‍കര ഡി.വൈ.എസ്​.പി ശ്രീകാന്ത്, വെള്ളറട സര്‍ക്കിള്‍ ഇന്‍സ്‌പെക്ടര്‍ എം.ആര്‍. മൃദുല്‍കുമാര്‍ എന്നിവരുടെ നേതൃത്വത്തിലുള്ള അന്വേഷണ സംഘമാണ്​ പ്രതിയെ പിടികൂടിയത്​.