കാർഷിക മേഖലക്ക്​ പ്രാധാന്യം നൽകി ഇടവ പഞ്ചായത്ത് ബജറ്റ്​

വർക്കല: കാർഷിക മേഖലക്ക്​ പ്രാധാന്യം നകി ഇടവ ഗ്രാമപഞ്ചായത്ത് ബജറ്റ്​ പാസാക്കി. 232909034 രൂപ വരുമാനവും 227434800രൂപ ചെലവും 5474234രൂപ നീക്കിയിരിപ്പും പ്രതീക്ഷിക്കുന്ന ബജറ്റ്​ വൈസ്​ പ്രസിഡൻറ്​ ശുഭ ആർ.എസ്​ കുമാർ അവതരിപ്പിച്ചു. ഗ്രാമപഞ്ചായത്ത് പ്രസിഡൻറ് എ. ബാലിക് അധ്യക്ഷത വഹിച്ചു. കൃഷി, മൃഗസംരക്ഷണം, ക്ഷീര വികസനം, മത്സ്യകൃഷി എന്നിവക്ക്​ 14300000 രൂപ വകയിരുത്തി. പരിസ്ഥിതി-മണ്ണ്-ജല സംരക്ഷണത്തിനും ബജറ്റിൽ പരിഗണന നൽകി. 25300000 രൂപയാണ് ഇതിനായി വകയിരുത്തിയിട്ടുള്ളത്. കുടിവെള്ളം, ശുചിത്വം, മാലിന്യസംസ്​കരണം എന്നിവക്ക് 8650000 രൂപയും ആരോഗ്യമേഖലക്ക്​ 4470000 രൂപയും വിദ്യാഭ്യാസം, കല-സംസ്​കാരം, യുവജനക്ഷേമം മേഖലക്ക്​ 1775000 രൂപയും വനിത-ശിശുക്ഷേമം ഉൾപ്പെ​െടയുള്ള സാമൂഹികക്ഷേമ പരിപാടികൾക്കായി 6225000 രൂപയും ഉൾപ്പെടുത്തി. ദാരിദ്യ്രലഘൂകരണത്തിനായി 23000000 രൂപയും പട്ടികജാതി പട്ടികവർഗക്ഷേമത്തിനായി 2427000 രൂപയും ദുരന്തനിവാരണ പ്രവർത്തനങ്ങൾക്കായി 300000 രൂപയും വകകൊള്ളിച്ചു.