ക്ഷേമപദ്ധതികളുമായി പെരുങ്കടവിള ബ്ലോക്ക് പഞ്ചായത്ത്

വെള്ളറട: സ്ത്രീകള്‍, കുട്ടികള്‍, ട്രാന്‍സ്‌ജെന്‍ഡേഴ്‌സ്, വയോധികര്‍ എന്നിവര്‍ക്ക് മുന്‍ഗണന നല്‍കുന്ന ബജറ്റ്​ പെരുങ്കടവിള ബ്ലോക്ക് പഞ്ചായത്തിൽ അവതരിപ്പിച്ചു. വൈസ് പ്രസിഡന്റ് സിമി ബജറ്റ്​ അവതരണം നടത്തി. ബ്ലോക്ക് പഞ്ചായത്ത് പ്രസിഡന്റ് ലാല്‍ കൃഷ്ണന്‍ പ്രകാശനം ചെയ്തു. അതിദരിദ്രര്‍ക്കും ശാരീരിക-മാനസിക വെല്ലുവിളികള്‍ നേരിടുന്നവര്‍ക്കും മുന്‍ഗണന നല്‍കുന്നതാണ് ബജറ്റെന്ന് ഭരണ സമിതി അറിയിച്ചു. കാര്‍ഷിക പ്രവർത്തനങ്ങൾ, അംഗൻവാടി, പഠനമുറി തുടങ്ങിയ പ്രവർത്തനങ്ങൾക്ക്​ വിഹിതമുണ്ട്​. ആരോഗ്യ, ടൂറിസം രംഗത്ത് പുതിയ പദ്ധതികളും നടപ്പാക്കും. വിദ്യാഭ്യാസ, സാംസ്‌കാരിക രംഗങ്ങളില്‍ സംരംഭങ്ങള്‍ തുടങ്ങുമെന്നും ബജറ്റിൽ പ്രഖ്യാപനമുണ്ട്​.