പണിമുടക്കിൽ പ​​ങ്കെടുക്കും

തിരുവനന്തപുരം: ഈ മാസം 28, 29 തീയതികളിൽ നടക്കുന്ന ദേശീയ പണിമുടക്കിൽ മുഴുവൻ സെക്രട്ടേറിയറ്റ് ജീവനക്കാരും പങ്കെടുക്കും. കേരള സെക്രട്ടേറിയറ്റ് എംപ്ലോയീസ് അസോസിയേഷന്‍റെ നേതൃത്വത്തിൽ പണിമുടക്കുമായി ബന്ധപ്പെട്ട് സെൻട്രൽ സ്റ്റേഡിയത്തിൽ സംഘടിപ്പിച്ച വിശദീകരണ യോഗം ആനത്തലവട്ടം ആനന്ദൻ ഉദ്​ഘാടനം ചെയ്തു. അസോസിയേഷൻ പ്രസിഡൻറ് പി. ഹണി അധ്യക്ഷതവഹിച്ചു. ജനറൽ സെക്രട്ടറി കെ.എൻ. അശോക് കുമാർ സംസാരിച്ചു. 'അടൂരിന്‍റെ സർഗാത്മക ജീവിതം' വിഡിയോ പരമ്പര പ്രകാശനം തിരുവനന്തപുരം: അടൂർ ഗോപാലകൃഷ്ണന്‍റെ സർഗാത്മക ജീവിതത്തിന്റെ അമ്പതാം വാർഷികം ആഘോഷിക്കുന്ന വിഡിയോ പരമ്പര മന്ത്രി സജി ചെറിയാൻ പ്രകാശനം ചെയ്യും. വെള്ളിയാഴ്ച​ വൈകീട്ട്​ ​3.30ന് ടാഗോർ തിയറ്ററിലെ ഓപൺ ഫോറം വേദിയിലാണ് വിഡിയോ പരമ്പര പ്രകാശനം. അടൂർ ഗോപാലകൃഷ്ണൻ, വിഡിയോയുടെ എഡിറ്ററും നിർമാതാവുമായ വി.കെ. ചെറിയാൻ, മലയാളം സീരീസ് എഡിറ്റർ കെ.എൻ. ഷാജി എന്നിവരും ചടങ്ങിൽ പങ്കെടുക്കും.