'കാഴ്ചകൾ വീഴ്ചകൾ' പ്രകാശനം ചെയ്തു

തിരുവനന്തപുരം: കായിക്കര ബാബു രചിച്ച 'കാഴ്ചകൾ വീഴ്ചകൾ' പുസ്തകത്തിന്‍റെ പ്രകാശനം അടൂർ ഗോപാലകൃഷ്ണൻ നിർവഹിച്ചു. ഡോ. കെ.എം. അനീഷ്​ ഗ്രന്ഥം ഏറ്റുവാങ്ങി. വ്യത്യസ്ത വിഷയങ്ങളെ അധികരിച്ചുള്ള ​ലേഖനങ്ങളുടെ സമാഹാരമാണ്​ 'കാഴ്ചകളും വീഴ്ചകളും'. സമൂഹത്തെ വഴിതെറ്റിക്കുന്ന അപചയങ്ങൾക്കെതിരെ എഴുത്തുകാർ പ്രതികരിക്കണമെന്ന്​ അടൂർ പറഞ്ഞു. മുൻ മന്ത്രി സി. ദിവാകരൻ അധ്യക്ഷത വഹിച്ചു. മലയാള സർവകലാശാല മുൻ വൈസ്​ചാൻസലർ ഡോ. കെ. ജയകുമാർ, ജസ്റ്റിസ്​ എം.ആർ. ഹരിഹരൻ നായർ, എൽ. ഗോപീകൃഷ്ണൻ, ഹനീഫ റാവുത്തർ, പി.എസ്​. ജ്യോതികുമാർ, ഡോ. എൻ. ബോസ്, വിമൽ പ്രകാശ്​ എന്നിവർ സംസാരിച്ചു. kayikkara കായിക്കര ബാബു രചിച്ച 'കാഴ്ചകൾ വീഴ്ചകൾ' ലേഖന സമാഹാരം സംവിധായകൻ അടൂർ ഗോപാലകൃഷ്ണൻ ​പ്രകാശനം ചെയ്യുന്നു