പാണക്കാട് ഹൈദരലി ശിഹാബ് തങ്ങൾ അനുസ്​മരണം

attn all local attn all local നെയ്യാറ്റിൻകര: നിംസിന്റെ കീഴിൽ നടന്നുവരുന്ന വിവിധ പദ്ധതികൾക്ക് പാണക്കാട് ഹൈദരലി ശിഹാബ് തങ്ങൾ നൽകിയ പ്രോത്സാഹനവും പിന്തുണയും അവിസ്മരണീയമെന്ന് നിംസ് എം.ഡിയും നൂറുൽ ഇസ്​ലാം സർവകലാശാല പ്രോ-വൈസ് ചാൻസലറുമായ എം.എസ്. ഫൈസൽഖാൻ. ലീഗ് നെയ്യാറ്റിൻകര മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച അനുസ്മരണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. അദ്ദേഹത്തിന്‍റെ നിർദേശപ്രകാരമാണ്​ മലപ്പുറം ജില്ലയിലെ വിദ്യാർഥികൾക്ക് നിംസിന്റെ സ്കോളർഷിപ്പോടെ പഠിക്കാൻ അവസരമുണ്ടായതെന്നും ഫൈസൽഖാൻ അനുസ്​മരിച്ചു. മുസ്​ലിം ലീഗ് മണ്ഡലം പ്രസിഡന്റ് എം.കെ. കബീർ അധ്യക്ഷത വഹിച്ചു. കോൺഗ്രസ് നേതാക്കളായ മുഹിനുദ്ദീൻ, എസ്.കെ അശോക് കുമാർ, എം.എസ്.എഫ് സംസ്ഥാന സമിതി അംഗം ഷെഫീക്, വഴിമുക്ക് നവാസ്, സജിത്ഖാൻ, ഷിബിൻ, ഷാഹിൻ, സജീവ്ഖാൻ, സലാഹുദ്ദീൻ എന്നിവർ പങ്കെടുത്തു.