മണ്ടയ്ക്കാട് കൊട നാളെ; കന്യാകുമാരി ജില്ലയ്ക്ക് പ്രാദേശിക അവധി

നാഗർകോവിൽ: മണ്ടയ്ക്കാട് ഭഗവതിയമ്മൻ ക്ഷേത്രത്തിൽ ഇക്കൊല്ലത്തെ കൊട മഹോത്സവം ചൊവ്വാഴ്ച നടക്കും. കൊട മഹോത്സവത്തിന്റെ പ്രധാന ചടങ്ങായ ഒടുക്കുപൂജ അന്നേദിവസം രാത്രി 12നും ഒന്നിനുമിടയിൽ നടക്കും. കേരളത്തിൽനിന്നുള്ള സ്ത്രീ ഭക്തജനത്തിരക്കാണ് ഉത്സവം തുടങ്ങിയതു മുതൽ ക്ഷേത്രത്തിൽ. ഭക്തർക്ക് കടലിൽ പോകാനും പൊങ്കാല നേർച്ച അർപ്പിക്കാനുമുള്ള സൗകര്യം ഒരുക്കിയിട്ടുണ്ട്. കൊട മഹോത്സവത്തിന്റെ ഭാഗമായി ചൊവ്വാഴ്ച കന്യാകുമാരി ജില്ലക്ക് പ്രാദേശിക അവധിയാണ്.