അയ്യാ വൈകുണ്ഠസ്വാമി അവതാരദിന ഘോഷയാത്ര

നാഗർകോവിൽ: സാമൂഹിക പരിഷ്കർത്താവ് അയ്യാ വൈകുണ്ഠസ്വാമിയുടെ 190ാമത് അവതാരദിന ഘോഷയാത്ര നാഗർകോവിൽ നാഗരാജ മൈതാനത്തുനിന്ന്​ സ്വാമിതോപ്പ് പ്രധാന പതിയിലേക്ക്​ നടന്നു. രാവിലെ അഞ്ചിന് തുടങ്ങിയ ഘോഷയാത്ര കോട്ടാർ, ഇടലാകുടി, ശുചീന്ദ്രം, തെൻ താമരക്കുളം വഴി ഉച്ചയോടെ സ്വാമിത്തോപ്പിലെത്തി. ഘോഷയാത്രക്ക്​ ബാല ജനാധിപതി നേതൃത്വം നൽകി. ഘോഷയാത്രക്ക്​ വഴിനീളെ വൻ സ്വീകരണമാണ് ലഭിച്ചത്. വ്യാഴാഴ്ച തിരുച്ചെന്തൂർ, തിരുവനന്തപുരം എന്നിവിടങ്ങളിൽനിന്ന്​ വന്ന വാഹനജാഥ നാഗരാജ മൈതാനത്ത് എത്തിയിരുന്നു. തുടർന്ന് വൈകുണ്ഠസ്വാമിയെക്കുറിച്ചുള്ള പ്രഭാഷണവും കലാപരിപാടികളും നടന്നു.