കെ-റെയിൽ: കോണ്‍ഗ്രസ് ജനകീയ പ്രക്ഷോഭം ഏഴിന്​

തിരുവനന്തപുരം: 'കെ-റെയില്‍ വേണ്ട, കേരളം മതി' എന്ന മുദ്രാവാക്യമുയര്‍ത്തി കോണ്‍ഗ്രസ്​ നേതൃത്വത്തില്‍ മാര്‍ച്ച് ഏഴിന് ജനകീയ പ്രക്ഷോഭം സംഘടിപ്പിക്കുമെന്ന് കെ.പി.സി.സി ജനറല്‍ സെക്രട്ടറി ടി.യു. രാധാകൃഷ്ണന്‍ അറിയിച്ചു. തിങ്കളാഴ്ച രാവിലെ 11ന് സെക്രട്ടേറിയറ്റിലേക്കും മറ്റു ജില്ലകളില്‍ കലക്​ടറേറ്റുകളിലേക്കുമാണ് പ്രക്ഷോഭം. സംസ്ഥാനതല ഉദ്ഘാടനം സെക്രട്ടേറിയറ്റിനു മുന്നില്‍ കെ.പി.സി.സി പ്രസിഡന്റ് കെ. സുധാകരന്‍ എം.പി നിര്‍വഹിക്കും. വി.ഡി. സതീശൻ, ഉമ്മന്‍ ചാണ്ടി, രമേശ് ചെന്നിത്തല അടക്കമുള്ള നേതാക്കൾ വിവിധ ജില്ലകളിലെ പ്രക്ഷോഭത്തിൽ പ​ങ്കെടുക്കും.