വ്യാപാരികൾ ധർണ നടത്തും

തിരുവനന്തപുരം: ജി.എസ്.ടി ഉദ്യോഗസ്ഥരുടെ അന്യായമായ കടന്നുകയറ്റങ്ങൾക്കെതിരെ സംസ്ഥാന വ്യാപകമായി മാർച്ച് 10ന് വ്യാപാരികൾ സമരം നടത്തുമെന്ന് വ്യാപാരി വ്യവസായി ഏകോപന സമിതി സംസ്ഥാന ജനറൽ സെക്രട്ടറി രാജു അപ്സര അറിയിച്ചു. തിരുവനന്തപുരത്ത്​ സെക്രട്ടേറിയറ്റിനു​ മുന്നിലും മറ്റ്​ ജില്ലകളിൽ ജി.എസ്.ടി ഡെപ്യൂട്ടി കമീഷണർ ഓഫിസ് പടിക്കലും രാവിലെ 10 മുതലാണ്​ ധർണ. ഇത് സൂചനാ സമരമാണ്. പീഡനങ്ങൾ തുടർന്നാൽ അനിശ്ചിത കാല സമരത്തിന്​ വ്യാപാരികൾ രംഗത്തിറങ്ങും.