മന്ത്രി ശിവൻകുട്ടി ഇടപെട്ടു; സൈറയുമായി ആര്യ കേരളത്തിലെത്തി

തിരുവനന്തപുരം: യു​െക്രയ്​നിൽനിന്ന് വളർത്തുനായ്​ സൈറയുമായി ഇടുക്കി സ്വദേശിനി ആര്യക്ക്‌ കേരളത്തിലെത്താൻ വഴിയൊരുങ്ങി. ഡൽഹിയിലെത്തിച്ച വളർത്തുനായുമായി ആര്യക്ക് കേരളത്തിലേക്ക്​ യാത്ര ചെയ്യാനാകില്ലെന്ന് വിമാന കമ്പനി നിലപാടെടുത്തു. തുടർന്ന് മന്ത്രി വി. ശിവൻകുട്ടി ഇടപെട്ടു. ആര്യക്കും സൈറക്കും യാത്രാസൗകര്യം ഒരുക്കാൻ റെസിഡന്റ്‌ കമീഷണറെയും നോർക്ക സി.ഇ.ഒയെയും മന്ത്രി ചുമതലപ്പെടുത്തുകയായിരുന്നു.