പാങ്ങോട് പഞ്ചായത്ത്​ ഓഫിസ് വളപ്പില്‍ തീപിടിത്തം; ഫയലുകള്‍ കത്തി നശിച്ചു

പാങ്ങോട്: പാങ്ങോട് പഞ്ചായത്ത്​ ഓഫിസ് വളപ്പില്‍ തീപിടിത്തമുണ്ടായതിനെ തുടർന്ന്​ ഫയലുകള്‍ കത്തിനശിച്ചു. ചൊവ്വാഴ്ച വൈകീട്ടായിരുന്നു തീപിടിത്തം. ഓഫിസിനും കൃഷിഭവനും സമീത്താണ് ഫയലുകള്‍ സൂക്ഷിച്ചിരുന്നത്. വിവിധ അപേക്ഷകളും നടപടിക്രമങ്ങള്‍ പൂര്‍ത്തിയാക്കാനുള്ള ഫയലുകളും കത്തി നശിച്ചവയില്‍ ഉല്‍പ്പെട്ടിട്ടുണ്ടന്നാണ് വിവരം. പഞ്ചായത്തില്‍ ഫയലുകള്‍ക്ക് തീപിടിക്കുന്നത് ഇത് മൂന്നാംതവണയാണ്. രണ്ട് മാസംമുമ്പ് പ്രാഥമികാരോഗ്യ കേന്ദ്രത്തിന്​ സമീപം സൂക്ഷിച്ചിരുന്ന പഴയ ഫയലുകൾക്കും​ രണ്ടാഴ്ച മുമ്പ്​ പഞ്ചായത്ത് ഓഫിസിന്​ സമീപത്തെ കെട്ടിടത്തില്‍ സൂക്ഷിച്ച കുടുംബശ്രീയുമായി ബന്ധപ്പെട്ട ഫയലുകള്‍ക്കും തീപിടിച്ചിരുന്നു. അവധി ദിവസങ്ങളായതിനാല്‍ ആളപായമുണ്ടായില്ല. കടയ്ക്കല്‍ അഗ്നിശമന സേനയെത്തിയാണ് തീ നിയന്ത്രണ വിധേയമാക്കിയത്. പാങ്ങോട് ഫോട്ടോ. pngd panchayathoffice. പാങ്ങോട് പഞ്ചായത്ത്​ ഓഫിസിന്​ സമീപത്തെ തീപിടിത്തം നിയന്ത്രണ വിധേയമാക്കുന്ന കടയ്ക്കല്‍ അഗ്നിശമന സേന