പെരിങ്ങമ്മല ഗ്രാമപഞ്ചായത്തിലേക്ക് ഡി.വൈ.എഫ്.ഐ മാർച്ച്

പാലോട്: പെരിങ്ങമ്മല ഗ്രാമ പഞ്ചായത്തിൽ അഴിമതി ആരോപിച്ച്​ ഡി.വൈ.എഫ്.ഐ പെരിങ്ങമ്മല ഗ്രാമ പഞ്ചായത്തിലേക്ക് മാർച്ച് നടത്തി. റിസോർട്ട് ആരംഭിക്കുന്നതിനുള്ള അപേക്ഷയിൽ കൈക്കൂലി ചോദിച്ച പഞ്ചായത്ത് പ്രസിഡന്റ് രാജിവെക്കുക, പഞ്ചായത്ത് സെക്രട്ടറിയെ പുറത്താക്കുക, പെരിങ്ങമ്മല ഇക്ബാൽ കോളജ് ജങ്​ഷനിലെ അക്ഷയ സെന്റർ മാറ്റി സ്ഥാപിക്കാനുള്ള ശ്രമം ഉപേക്ഷിക്കുക, എന്നീ ആവശ്യങ്ങൾ ഉന്നയിച്ചാണ് മാർച്ച് നടത്തിയത്. ഡി.വൈ.എഫ്.ഐ സംസ്ഥാന കമ്മിറ്റിയംഗം എ.എം അൻസാരി ഉദ്‌ഘാടനം ചെയ്​തു. ഗോപീകൃഷ്ണൻ അധ്യക്ഷതവഹിച്ചു. സിയാദ്, അൻസാം, സുധീർ എന്നിവർ സംസാരിച്ചു. ഫോട്ടോ: പെരിങ്ങമ്മല ഗ്രാമപഞ്ചായത്തിലേക്ക് ഡി.വൈ.എഫ്.ഐ മാർച്ച് നടത്തിയപ്പോൾ