ഇ. സോമനാഥ്​ അനുസ്മരണം

തിരുവനന്തപുരം: അന്തരിച്ച പ്രമുഖ മാധ്യമപ്രവർത്തകനും മലയാള മനോരമ മുൻ സീനിയർ സ്പെഷൽ കറസ്പോണ്ടന്‍റുമായ ഇ. സോമനാഥ്​ അനുസ്മരണ സമ്മേളനം 25ന് നടക്കും. വൈകീട്ട് ആറിന്​ അയ്യൻകാളി ഹാളിൽ ചേരുന്ന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഗോവ ഗവർണർ പി.എസ്. ശ്രീധരൻപിള്ള അധ്യക്ഷത വഹിക്കും. സോമനാഥിന്‍റെ സുഹൃത്തുക്കൾ ചേർന്ന് രൂപവത്​കരിച്ച ഇ. സോമനാഥ് ഫ്രറ്റേണിറ്റിയാണ് അനുസ്മരണം സംഘടിപ്പിക്കുന്നത്. ഫ്രറ്റേണിറ്റി രൂപവത്​കരണ യോഗത്തിൽ സി.പി.ഐ മുൻ സംസ്ഥാന സെക്രട്ടറി പന്ന്യൻ രവീന്ദ്രൻ അധ്യക്ഷത വഹിച്ചു.