അനന്തപുരി എഫ്​.എം പുനരാരംഭിക്കണം -ഫെർക്ക

തിരുവനന്തപുരം: അനന്തപുരി എഫ്​.എം മലയാളം പ്രക്ഷേപണം പുനരാരംഭിക്കണമെന്ന്​ ആവശ്യപ്പെട്ട്​ ഫെഡറേഷൻ ഓഫ്​ റസിഡന്‍റ്​സ്​ അസോസിയേഷൻസ്​ കേരള (ഫെർക്ക) കേന്ദ്ര സർക്കാറിനോട്​ ആവശ്യപ്പെട്ടു. മലയാളികളുടെ ദൈനംദിന ജീവിതത്തിലെ അവിഭാജ്യഘടകമായി മാറിയ റേഡിയോ ചാനലാണ്​ അനന്തപുരി എഫ്​.എം. ഹിന്ദി പരിപാടികൾ കുറച്ച്​ മലയാളം പരിപാടികൾ​ പ്രക്ഷേപണം നടത്താൻ നടപടി എടുക്കണമെന്ന്​ പ്രസിഡന്‍റ്​ മരുതംകുഴി സതീഷ്കുമാർ കേന്ദ്രമന്ത്രി അനുരാഗ്​ താക്കൂറിന്​ നൽകിയ നിവേദനത്തിൽ ആവശ്യപ്പെട്ടു.