ചേലക്കുളം അബുൽ ബുഷ്​റ മൗലവി അനുസ്മരണം നാളെ

തിരുവനന്തപുരം. ദക്ഷിണ കേരള ജംഇയ്യതുല്‍ ഉലമ പ്രസിഡന്‍റും തിരുവനന്തപുരം വലിയ ഖാദിയുമായിരുന്ന ചേലക്കുളം മുഹമ്മദ് അബുല്‍ ബുഷ്റ മൗലവി അനുസ്മരണവും പ്രാർഥനസ​മ്മേളനവും ചൊവ്വാഴ്ച രാവിലെ 10ന് പോത്തന്‍കോട് ജെ.കെ ഓഡിറ്റോറിയത്തില്‍ നടക്കും. ദക്ഷിണ കേരള ജംഇയ്യതുല്‍ ഉലമ ജില്ല കമ്മിറ്റിയുടെ നേതൃത്വത്തില്‍ നടത്തുന്ന സമ്മേളനം ജംഇയ്യതുല്‍ ഉലമ സംസ്ഥാന പ്രസിഡന്‍റ്​ കെ.പി. അബൂബക്കര്‍ ഹസ്രത്ത് ഉദ്ഘാടനം ചെയ്യും. ജില്ല പ്രസിഡന്‍റ് കുറ്റിച്ചല്‍ ഹസന്‍ ബസരി മൗലവി അധ്യക്ഷത വഹിക്കും. തൊടിയൂര്‍ മുഹമ്മദ് കുഞ്ഞ് മൗലവി മുഖ്യപ്രഭാഷണവും പാച്ചല്ലൂര്‍ അബ്ദുസ്സലീം മൗലവി അനുസ്മരണ പ്രഭാഷണവും നടത്തും.