മുഖ്യമന്ത്രിയുടെ ന്യായീകരണം ലജ്ജാവഹം -കെ. സുധാകരന്‍

തിരുവനന്തപുരം: സര്‍ക്കാറിനെ വെള്ളപൂശിയ എം. ശിവശങ്കറെ മുഖ്യമന്ത്രി അന്ധമായി ന്യായീകരിക്കുന്നത്​ കണ്ടപ്പോള്‍ കേരളം ലജ്ജിച്ച്​ മൂക്കത്ത്​ വിരൽവെച്ചെന്ന്​ കെ.പി.സി.സി പ്രസിഡന്റ് കെ. സുധാകരന്‍ എം.പി. ശിവശങ്കറിനെതിരെ സംസാരിച്ച സ്വപ്നയ്ക്കെതിരായ കേസുകള്‍ ഒന്നൊന്നായി ഇപ്പോൾ കുത്തിപ്പൊക്കുന്നു. നീതിന്യായ സംവിധാനങ്ങളെ എങ്ങനെ ദുരുപയോഗം ചെയ്യാമെന്ന്​ മോദിക്കുപോലും പിണറായില്‍നിന്ന്​ പഠിക്കേണ്ടിവരുമെന്നും സുധാകരന്‍ ചൂണ്ടിക്കാട്ടി.