കോൺഗ്രസ്-എസ്​ നാളെ ദേശീയ പുനരർപ്പണ ദിനം ആചരിക്കും

തിരുവനന്തപുരം: മഹാത്മ ഗാന്ധിയുടെ രക്തസാക്ഷിത്വദിനമായ ജനുവരി 30 കോൺഗ്രസ്​-എസ്​ ദേശീയ പുനരർപ്പണ ദിനമായി ആചരിക്കും. രാജ്യ ചരിത്രത്തെയും ചരിത്ര നായകരെയും തിരസ്കരിക്കുകയും അപഹസിക്കുകയും ചെയ്യുന്ന ഭരണ ഭീകരതക്കെതിരെ ദേശാഭിമാനികൾ ഉണരുക എന്ന മു​ദ്രാവാക്യവുമായാണ്​ പരിപാടിയെന്ന്​ സംസ്ഥാന പ്രസിഡന്‍റ്​ രാമചന്ദ്രൻ കടന്നപ്പള്ളി അറിയിച്ചു. വീടുകളിലും പാർട്ടി ഓഫിസുകളിലും ഒതുങ്ങിയാകും പരിപാടി.