വനംവകുപ്പ്​ ജീവനക്കാരിയുടെ പരാതി കുറ്റക്കാരെന്ന്​ കണ്ടെത്തിയ രണ്ട്​ ഉദ്യോഗസ്ഥരെ സംരക്ഷിക്കുന്നതായി ആക്ഷേപം

തിരുവനന്തപുരം: ജീവനക്കാരിയുടെ പരാതിയിൽ കുറ്റക്കാരെന്ന്​ കണ്ടെത്തിയ രണ്ട്​ ഉദ്യോഗസ്ഥരെ വനംവകുപ്പ്​ സംരക്ഷിക്കുകയാണെന്ന്​ ആക്ഷേപം. തിരുവനന്തപുരം ഫോറസ്​റ്റ്​ ഡിവിഷനിലെ ​ൈഫ്ലയിങ്​ സ്ക്വാഡിലെ ഉദ്യോഗസ്ഥൻ, കണ്‍ട്രോൾ റൂമിലെ ഉദ്യോഗസ്ഥൻ എന്നിവർക്കെതിരെയാണ്​ സഹപ്രവർത്തകയുടെ പരാതി. വനംവകുപ്പി‍ൻെറ ആഭ്യന്തര പരാതി സമിതിയുടെ അന്വേഷണത്തിൽ ഉദ്യോഗസ്ഥർ കുറ്റക്കാരെന്ന് കണ്ടെത്തിയിരുന്നു. ഇവർക്കെതിരെ സർവിസ് ചട്ടങ്ങൾ പ്രകാരം അച്ചടക്ക നടപടികൾ സ്വീകരിക്കണമെന്നാണ് സമിതിയുടെ റിപ്പോർട്ട്. റിപ്പോർട്ട് കൈമാറി പത്ത് ദിവസം ആകുമ്പോഴും ഒരു നടപടിയും സ്വീകരിക്കാതെ ഉദ്യോഗസ്ഥരെ സംരക്ഷിക്കുകയാ​െണന്നാണ്​ ആക്ഷേപം. അതേസമയം അഴിമതി നടത്തിയെന്ന പരാതികളിൽ ഇൗ ഉദ്യോഗസ്ഥയെ ജൂലൈയിൽ സസ്പെന്‍ഡ്​ ചെയ്തിരുന്നു. അതിന്​ ശേഷമാണ്​ ഇൗ പരാതി ഉയർന്നത്​. ഉദ്യോഗസ്ഥക്കെതിരായ അഴിമതി ആരോപണം അന്വേഷിച്ച രണ്ട് ഉദ്യോഗസ്ഥർക്കെതിരെയാണ് റിപ്പോർട്ട്.