ശശീന്ദ്രനെതിരായ മറ്റൊരു ഹരജി കൂടി തള്ളി

തിരുവനന്തപുരം: ഫോൺവിളി വിവാദത്തിൽ മന്ത്രി എ.കെ. ശശീന്ദ്രനെതിരെ നടപടിയാവശ്യപ്പെട്ട്​ നൽകിയ മറ്റൊരു ഹരജി കൂടി ലോകായുക്ത തള്ളി. മുഖ്യമന്ത്രി, മന്ത്രി, ചീഫ്​ സെക്രട്ടറി എന്നിവർക്കെതിരെ സമർപ്പിച്ച ഹരജി കഴിഞ്ഞ ദിവസം തള്ളിയിരുന്നു. ഇതിന​ു​ പിന്നാലെയാണ്​ ഇൗ ഹരജിയും നിലനിൽക്കില്ലെന്ന്​ ലോകായുക്ത ചൂണ്ടിക്കാട്ടിയത്​. പരാതിക്കുപിന്നിൽ രാഷ്​ട്രീയ ലക്ഷ്യമുണ്ടോയെന്ന്​ ചോദിച്ച ലോകായു​ക്ത, മന്ത്രിക്കെതിരെ ബോധപൂർവമായ നീക്കം നടന്നോയെന്ന സംശയവും പ്രകടിപ്പിച്ചു.