എ.ഐ.എസ്.എഫ് അവകാശപത്രിക മാർച്ച്‌

ആറ്റിങ്ങൽ: എ.ഐ.എസ്.എഫ് ആറ്റിങ്ങൽ ഡി.ഇ ഓഫിസിലേക്ക് അവകാശ പത്രിക മാർച്ച് സംഘടിപ്പിച്ചു. സംഘടനാ സ്വാതന്ത്ര്യം നിലനിർത്താൻ നിയമനിർമാണം നടത്തുക, കോവിഡ് സാഹചര്യത്തിൽ വിദ്യാഭ്യാസ വായ്പ തിരിച്ചടവിൽ സാവകാശവും മൊറട്ടോറിയം അനുവദിക്കുക, മുഴുവൻ വിദ്യാർഥികൾക്കും വാക്സിൻ നൽകുക എന്നീ ആവശ്യങ്ങൾ ഉന്നയിച്ചാണ്​ മാർച്ച് സംഘടിപ്പിച്ചത്. ജില്ല പ്രസിഡൻറ്​ ശരൺ ശശാങ്കൻ ഉദ്ഘാടനം ചെയ്തു. ജില്ല വൈസ് പ്രസിഡൻറ്​ അതുൽ രാജ് അധ്യക്ഷത വഹിച്ചു. ജില്ല ജോയൻറ്​ സെക്രട്ടറി അനീസ്, സംസ്ഥാന കമ്മിറ്റി അംഗം പി.എസ്. ആൻറസ്, സി.പി.ഐ മണ്ഡലം കമ്മിറ്റി അംഗം ആറ്റിങ്ങൽ ശ്യാം, എ.ഐ.വൈ.എഫ് മണ്ഡലം സെക്രട്ടറി മുകുന്ദൻ ബാബു, അനന്തു സതീശൻ, അമജേഷ്, വൈശാഖ്, സിദ്ദീഖ് എന്നിവർ സംസാരിച്ചു.