ആര്യാട് ഗോപി സ്മാരക ദൃശ്യമാധ്യമ അവാർഡുകൾ പ്രഖ്യാപിച്ചു

കൊല്ലം: കൊല്ലം പ്രസ്ക്ലബും ആര്യാട് ഗോപി സ്മാരക ട്രസ്​റ്റും സംയുക്തമായി ഏർപ്പെടുത്തിയ ആര്യാട് ഗോപി സ്മാരക ദൃശ്യമാധ്യമ അവാർഡിന്​ ഷിജു എൻ.കെയും (ഏഷ്യാനെറ്റ് ന്യൂസ്) രാജു പാവറട്ടിയും (മനോരമ ന്യൂസ്) അർഹരായി. 10000 രൂപയും ആശ്രാമം സന്തോഷ്​ രൂപകൽപന ചെയ്​ത ഫലകവുമടങ്ങുന്നതാണ്​ അവാർഡ്​. കോവിഡ് രോഗികളിൽനിന്ന് അമിത ചികിത്സാനിരക്ക്​ ഈടാക്കുന്ന സ്വകാര്യ ആശുപത്രികളെ തുറന്നുകാട്ടിയ അന്വേഷണാത്മക റിപ്പോർട്ടിനാണ്​ ഷിജു മികച്ച റിപ്പോർട്ടർക്കുള്ള അവാർഡിനർഹനായത്​. 14 വർഷമായി കിടക്ക വിട്ടെണീൽക്കാനാവാത്ത, വൻെറിലേറ്ററി​ൻെറ സഹായത്തോടെ ജീവൻ നില നിർത്തുന്ന പാറശ്ശാല സ്വദേശി ലിജോക്ക്​ വേണ്ടി സ്വജീവിതം സമർപ്പിച്ച സഹോദരൻ വിപി​ൻെറ ജീവിതദൃശ്യം പകർത്തിയതിനാണ്​ രാജു പാവറട്ടിക്ക്​ മികച്ച കാമറ പേഴ്സനുള്ള അവാർഡ്​. പ്രിയ രവീന്ദ്രൻ, എ.വി. തമ്പാൻ, എസ്​.ആർ. സഞ്​ജീവ്​ എന്നിവരടങ്ങിയ ജൂറിയാണ്​ അവാർഡ്​ നിശ്ചയിച്ചത്​. kg 1 കൊല്ലം പ്രസ്​ ക്ലബി​ൻെറ ആര്യാട്​ ഗോപി ദൃശ്യമാധ്യമ പുരസ്​കാരത്തിന്​ അർഹനായ എൻ.കെ. ഷിജു (ഏഷ്യാനെറ്റ്​ ന്യൂസ്​) kg 2 കൊല്ലം പ്രസ്​ ക്ലബി​ൻെറ ആര്യാട്​ ഗോപി ദൃശ്യമാധ്യമ പുരസ്​കാരത്തിന്​ അർഹനായ രാജു പാവറട്ടി (മനോരമ ന്യൂസ്​)