വിവാദ പ്രസംഗം: വൈദികൻ അറസ്​റ്റിൽ

നാഗർകോവിൽ: വിദ്വേഷ പ്രസംഗം നടത്തിയെന്ന പരാതിയിൽ വൈദികൻ അറസ്​റ്റിൽ. കന്യാകുമാരി ജില്ലയിലെ പനവിളയിലെ ഇടവക വികാരി ജോർജ്​ പൊന്നയ്യയെയാണ്​ മധുരയിൽനിന്ന്​ അറസ്​റ്റ്​ ചെയ്​തത്​. ശനിയാഴ്​ച വൈകീ​ട്ടോടെ കുഴിത്തുറ കോടതിയിൽ ഹാജരാക്കി റിമാൻഡ്​ ചെയ്​തു. അരുമനയിൽ കഴിഞ്ഞ 18ന് സംഘടിപ്പിച്ച യോഗത്തിലാണ് ഫാ. ജോർജ് ​പൊന്നയ്യ വിവാദ പ്രസംഗം നടത്തിയത്​. പ്രസംഗം സമൂഹമാധ്യമങ്ങളിലും വൈറലായി. ഇതിനെതിരെ ബി.ജെ.പിയും വിവിധ ഹിന്ദു സംഘടനകളും രംഗത്തെത്തിയിരുന്നു. അരുമന പൊലീസിന്​ ലഭിച്ച പരാതിയുടെ അടിസ്ഥാനത്തിൽ മതവിഭാഗങ്ങൾക്കിടയിൽ വേർതിരിവുണ്ടാക്കൽ ഉൾപ്പെടെ ഏഴ് വകുപ്പുകൾ ചുമത്തി അദ്ദേഹത്തിനെതിരെ കേസെടുത്തു. എഡിറ്റ്​ ചെയ്​ത വിഡിയോ ആണ്​ ചിലർ പ്രചരിപ്പിക്കുന്നതെന്നും ത​ൻെറ പ്രസംഗത്തിൽ ഹിന്ദു സഹോദരങ്ങളെ അപമാനിച്ചിട്ടുണ്ടെങ്കിൽ നിർവ്യാജം ഖേദം രേഖപ്പെടുത്തു​െന്നന്നും അദ്ദേഹം സമൂഹമാധ്യമത്തിൽ വിശദീകരിച്ചിരുന്നു. വൈദിക​ൻെറ പ്രസംഗത്തെ കുഴിത്തുറ രൂപത അപലപിച്ചു. തമിഴ്​ നാട് സംസ്ഥാന ന്യൂനപക്ഷ കമീഷൻ ചെയർമാൻ പീറ്റർ അൽഫോൻസും വിമർശനവുമായി രംഗത്തെത്തി. ഫാ. ജോർജ്​ പൊന്നയ്യയുടെ സംഘടനയുമായി രൂപതക്ക്​ ബന്ധമില്ലെന്ന്​ മധുര ആർച്ച് ബിഷപ് റവ.ആൻറണി പപ്പുസ്വാമി പറഞ്ഞു. ചിത്രം: Father.GeorgePonnaia in Aruvamozhi police station.jpg മധുരയിൽനിന്ന് ജോർജ്​ പൊന്നയ്യയെ അറസ്​റ്റ്​ ചെയ്​ത്​ കൊണ്ടുവന്നപ്പോൾ