മഹിളാമോർച്ച പ്രതിഷേധമാർച്ച്​ നടത്തി

തിരുവനന്തപുരം: വണ്ടിപ്പെരിയാറിൽ നടന്നത് മനഃസാക്ഷിയെ നടുക്കുന്ന ക്രൂരതയാണെന്ന്​ ബി.ജെ.പി സംസ്ഥാന ജന.സെക്രട്ടറി അഡ്വ. പി. സുധീർ. മഹിളാമോർച്ചയുടെ പ്രതിഷേധമാർച്ച്​ ഉദ്​ഘാടനം ചെയ്യുകയായിരുന്നു അദ്ദേഹം. ഡി.വൈ.എഫ്​.​െഎ നേതാവാണ് ആറ്​ വയസ്സുകാരിയെ പീഡിപ്പിച്ച് കൊന്ന് കെട്ടിത്തൂക്കിയത്. വാളയാറിൽ പ്രതികളെ സംരക്ഷിക്കാൻ കേസ് അട്ടിമറിച്ചത് സംസ്ഥാന സർക്കാറാണ്. ഈ പ്രോത്സാഹനമാണ് സ്ത്രീപീഡനങ്ങൾ വർധിക്കാൻ കാരണമെന്ന്​ അദ്ദേഹം കൂട്ടിച്ചേർത്തു. ബി.ജെ.പി സംസ്ഥാന ഉപാധ്യക്ഷ പ്രഫ. വി.ടി. രമ, മഹിളാ മോർച്ച സംസ്ഥാന ജനറൽ സെക്രട്ടറി ബി. രാകേന്ദു, പാർട്ടി ജില്ല വൈ. പ്രസിഡൻറ് ആർ.സി. ബീന, മഹിളാ മോർച്ച ജില്ല ജനറൽ സെക്രട്ടറിമാരായ ജയരാജീവ്, ശ്രീകല, ജില്ല ഭാരവാഹികളായ സ്വപ്ന സുദർശൻ, ജയശ്രീ, ഹിമ, ചിഞ്ചു, രശ്മി എന്നിവർ പങ്കെടുത്തു.